Page 6 - AB

DIASABRA 5 AUGUSTUS 2023 DIARIO PAGINA 23
Polis a

confisca rifle

di homber

coriendo

rond cune na

Palm Beach

ORANJESTAD (AAN):
Diaranson atardi banda di
2:55 pm, un unidad di Polis
di Noord a ser manda poco
pariba di rotonde di Palm
Beach pa un homber cu e
momento ey ta coriendo cu
un rifle riba un bicicleta.
Polis a yega y a topa cu
e homber di inicial D. riba
tereno di un cas bandona.
Aki e homber mes a bin
bisa Polis, cu e ta jaag riba
yuwana cu e rifle aki.
Mirando cu ta trata aki di
un arma, Polis a kite di dje
pa asina evita cu tin arma
ta circulando riba caya. Na
final nan a dune ordo pa e
bandona e area mesora. El
a haci esey tambe.
Na final a pone Central di
Polis na altura.

Suriname a

confisca boto

cu tabata

piscando

ilegal

PARAMARIBO: E siman
aki, Polis Maritimo na Suri-
name a bin topa cu un boto
di piscado cu tabata piscan-
do ilegalmente riba e rieu
conoci como ‘Commewi-
jne rivier’. Autoridadnan a
stop nan, y detene e cuatro
miembronan di tripulacion.
Pa colmo, dos di e perso-
nanan aki no tabatin docu-
mento legal den nan poder.
Den e boto a bin haya
cargamento di pisca cu
nan tabata capturando den
e rieu. E boto mes no tin
ningun permiso oficial pa
haci trabao di pesca. E cua-
tro personanan aki a wordo
deteni pasobra a viola ley di
pesca.
E cuatro personanan a
wordo pasa pa Seccion
Fraude di Cuerpo Policial.
E doño di e boto a haya un
multa pisa pa paga tambe.