Page 4 - Solo Di Pueblo

Pagina 20 Diamars 29 December 2015

Clientenan di Sonrisa a keda sumamente contento cu un almuerzo di Pasco
organiza pa Rotary Cub di Aruba

Diasabra dia 19 December, miembronan di Rotary Club
di Aruba a organiza un exitoso almuerzo di Pasco pa tur
e clientenan y personal di asociacion Sonrisa. Un total di
aproximadamente 100 clientenan di asociacion Sonrisa
tabata presente na e Centro di Sonrisa na Pavia y den un
ambiente festivo di Pasco y cu musica di grupo di Gaita,
a disfruta di e dia special aki. Sonrisa ta un asociacion di
mayornan di un persona cu un limitacion mental. Vision
di Sonrisa ta pa e persona cu un limitacion mental haña
e oportunidad y escohencia den eleva nan posibilidad
mental, social, fysico y economico. Door di haci esaki,
e persona por obtene y conserva un lugar decente den
comunidad y asina por ricibi un trato igual y husto. Den
cuadro di maneho di Rotary Club di Aruba pa sostene
gruponan cu necesidad special den comunidad, a dicidi
di organiza e evento special aki pa Sonrisa.

Directiva di Rotary Club di Aruba kier a gradici e personal
y directiva di asociacion Sonrisa pa nan cooperacion na
e proyecto aki. Tambe kier a gradici tur miembronan di
Rotary Club di Aruba pa nan sosten y participacion na e
bunita proyecto aki.