Page 82 - MIN JUS_Neat

Lares a cera e departamento pa investiga di unda e documento e.q. potret a
sali. Esaki ta contra di tur etica.

Pesey mes den e social media su codigo di conducta bo mester ta confiabel, y
cu bo expresionnan mester ta den cuadro di bo trabao. Den e dianan aki tin

hopi papelnan ta leak, y di otro banda tur ta keda hende y ta un derecho
fundamental pa tin un opinion propio. Pero a manda un comunicado den

departamentonan, cu por papia cu otro di politica pero no por discuti cu otro
over politico. Mester respeta otro. Hendenann cu ta cana cu banchinan di color,

no ta acceptabel na pia di trabao, pero e no por prohibi un trahado di bisti un t-
shirt di su partido politico. Bo por tin descontento cu algo, pero no mag di crusa
e grens, ta haci’e publico, sin pasa e reglanan di LMA, artikel 62 y 63 con bo ta

bay om cu informacion secreto di un departamento. Si e trahado haci esaki, ta
cumisna cu’n procedura disciplinario.

Sra. Lares kier a enfatiza cu un empleado publico ta 24 ora un empleado

publico. No solamente di bo trabao, den social media pero tambe den fiesta of
bebemento, bo mester atene bo mes como un sirbido di un pais. Ora bo ta

papia, bo mester compronde, cu loke bo ta bay haci of papia, ta algo cu esey ta
mara na bo responsabilidad pa bo haci’e y su consecuencianan. Un comentario
for di sla, por keda persigui bo pa semper.

Cada biaha ora cu bo ta scirbi algo, bo ta bisa algo, aunke e ta riba bo Facebook
personal, reflexiona kico bo ta haci. Como miembro di e pais aki, bo ta obliga di

ta vigilante di kico ta pasa rond di bo.