Page 22 - UTILITIES

carta. Den e mesun carta ta poni tambe cu e Director, Ing. Robert Henriquez mester
bay. Siman pasa a manda un carta splicando den detaye riba e malcontento.

Tin como 110 trahado cu ta cay bou di CAO. Di 110 un total di 87 a firma pa bula cabes
di e director. Dia 12 di maart e carta a bay via BID pa Prome Minister mr. Evelyn Croes.
E carta ta solicita un reunion cu caracter di urgencia.

For di fuentenan tin entendi cu sindicato ALVAST cu ta e IAO’ers tampoco tin confiansa
mas den e Director. Awor STA ta wardando reunion cu Prome Minister. E situacion ta
hopi tenso y e situacion di asunto di pensioen tambe ta hopi delicado.

Tin problema cu e cobertura segun STA tin entendi. No tin deadline pero prome cu luna
caba ta spera e reunion cu Prome Minister cu ta encarga tambe cu e cartera di energia.

Loke STA a subraya ta cu Gobierno a confirma di a ricibi e carta cu STA a manda firma
pa 87 trahado. E pregunta ta si gobierno lo honra peticion di e trahadonan cu a firma den
mayoria pa cabes di e director, kende ta keda para riba un CAO firma dor di otro
sindicato y no kier duna espacio pa discuti cierto cosnan cu segun e sindicato nobo no ta
bon regla.

Ademas tin e parti di shopsteward cu nan tempo pa atende reunion cu tambe ta un punto
di discusion. Mediador mes a haci diferente intento entre e grupo pero keto bay e
problema ta sin solucion.