Page 31 - AVP

E ultimo aki ta bon pa mustra cu e ta otro ehempel directo cu Gobierno di Reino no ta
confiando Gabinete Wever Croes cu ningun fondo di miyones di florin pafo di
presupuesto, caminda Gobierno no ta dunando un bista cla ni na Parlamento y tampoco
na CFT, kico ta haciendo cu e placa aki.

Simplemente no tin confiansa y ya caba CFT a yega di mustra cu tur cos ta mustra cu e
fondo aki ta wordo usa pa tuma hende den servicio di Gobierno loke no por t’e caso.

Pa loke t’e ‘aanwijzing’ p’e ley di LAFT, esey a bira claramente un joke di mal gusto di e
propio Prome Minister Evelyn Wever Croes, kende na luna di october di 2018 hunto cu
Minister Xiomara Ruiz Maduro a sigura Gobierno di Reino cu lo bay expande e periodo
di CFT aki na Aruba pa medio di e ley di LAFT.

Sinembargo durante tratamento di e ley algun Parlamentario cu ta sostene e Gobierno aki,
a dicidi di introduci un amienda cambiando hopi cos den e ley cu tanto Gobierno di Reino
como e dos Ministernan di Aruba a acorda, creando un conflicto directo cu Hulanda.

Pa completa obra t’e propio Prome Minister kende a firma e protocol aki aña pasa, a
sostene contenido di e cambionan propone den un amienda p’awor e mes saca e ley
aproba for di circulacion y awor a bolbe priminti Hulanda cu lo bin cu e ley di LAFT den
su contexto original.

Pues no tin aanwijzing ningun momento p’e situacion financiero cu tin, tampoco p’e debe
grandi cu tanto MEP ta sigui insisti ariba, pero segun Prome Minister Evelyn Wever
Croes tin dos aanwijzing pa falta di capacidad pa cumpli cu palabracionnan haci cu
Gobierno di Reino,” Melvin Tromp di partido AVP a declara.