Page 13 - ARUBA BANK

Tur hende por corda, segun Misier, con aña pasa den e dianan di fiesta di december a

bulldoze diferente ley nobo den Parlamento. Y tur tabata leynan cu tabatin efecto

negativo pa e comerciantenan entrante prome di januari, 2019.

“Eynan nos a bira consciente cu e modus operandi ta di bulldoze diferente ley di

impuesto cu ta afecta comerciante y ciudadanonan. For di e momento ey un grupo grandi

di stakeholder cu ta AHATA, KVK, ATIA, Jewelers Association, Insurance Association,

San Nicolas Business Association, y varios otro mas, a forma un grupo y a manda carta di

preocupacion pa Gobierno,” Misier a señala.

Durante e cinco lunanan cu a sigui a manda diferente carta y a pidi reunion, pero no a

haya contesta. Esaki a pone cu den luna di mei mester a bay prensa, unda cu a splica

pueblo pakico gremionan ta preocupa. Mas ainda pasobra e fase 2 di Reforma Fiscal

tabata na punto di drenta na vigor, dia prome di juli 2019. E hecho cu e gremionan a bay

prensa cu nan preocupacion y expresando cu nan no tabatin participacion, a logra haya

dos reunion. El a recorda cu a pidi un “stakeholder session”. Pero pa nan sorpresa a invita

solamente algun organisacion y cada un a haya solamente 10 minuut pa duna nan

pensamento riba e tres escenarionan di Sugar Tax. Tur gremio unanimamente a bisa cu

nan no ta di acuerdo cu sugar tax y a pidi pa Gobierno bini cu un plan integral parti riba
varios aña pa loke ta concerni fase 2, 3 y 4 di e Reforma Fiscal. Di e forma aki e

expertonan di e gremionan por duna nan sugerencia y yega na un bon plan pa un y tur.

“Nunca nos a ricibi un plan integral y solamente mester a scoge entre e tres escenarionan

di sugar tax, a bolbe bay den prensa pa denuncia cu loke a tuma luga no tabata un

“stakeholder session” cu participacion real.”