Page 9 - AAA front cover_Neat

Ambtenaarnan contra vuelo di Arkefly for di Eindhoven pa
Aruba y Curaçao

Publication: Wednesday, 27 May 2015. Categoria: General

ORANJESTAD (AAN)
Ambtenaarnan Hulandes tin tur intencion pa para e vuelonancu Arkefly kier realisa for di
aeropuerto di Eindhoven pa Aruba y Curaçao. Esaki por a lesa den corantnan Hulandes ayera.
E informe publica ta menciona cu ambtenaarnan di tres ministerio a yega na e conclusion cu
Arkefly no por wordo permiti pa bula for di e aeropuerto di Eindhoven pa Aruba y Curaçao.
Segun e ambtenaarnan, e gastonan pa controla e vuelonan aki pa mulanan lo ta demasiado halto.
Ta papia aki di gastonan cu lo ta core den algun dies miyon euro. E corantnan no a menciona un
fuente directo, pero ta papia di un Nota secreto traha door di e Cuerpo di Ambtenaarnan.
Pero tambe ta ser bisa di otro banda cu e facilidadnan, manera e aparatonan y personal necesario,
no por a wordo regla pa ta cla pa e vuelonan cu lo mester cuminsa dia prome di November awor
pa Aruba y Curaçao.
Tanto Aeropuerto di Eindhoven como Arkefly a bisa prensa cu a aserca nan cu oficialmente nan
no ta altura di e obheccionnan cu a bini supuestamente for di ambtenaarnan. “Si resulta cu den e
reunionnan cu mester tuma luga, nos wordo informa di esaki oficialmente, e ora Arkefly y
Aeropuerto di Eindhoven lo duna su comentario riba esaki”.
http://www.diario.aw/2015/05/ambtenaarnan-contra-vuelo-di-arkefly-for-di-eindhoven-pa-aruba-y-
curacao/