Page 26 - MIN ECEM

Ta pesey, segun Wever, mester scucha bon locual ta bay wordo bisa durante e debate.

“Nos tin un di e mihor programanan cu tin y nos ta haya cu a bira tempo pa cambia
hende y e reglanan. Tin hopi fundacion cu ta papia riba cambiamento di regla y esaki

tin cu sosode, no solamente pa loke ta e ley di integridad, pasobra esaki ta un parti
chikito solamente di e reglanan estricto di ‘Good Governance’. Bo por kere cu bo no a
hasi nada, pero por ehempel si bo hasi bo mes culpabel na politica di patronahe na gran
escala, esaki ta un mal manera di goberna e pais”.

Sr. Wever a sigui bisa cu mester un cambio den e reglanan pa loke ta e asina yama
‘reststemmen’, ya cu ta increibel pa wak cuanto placa partidonan manera MEP, AVP y
POR ta gastando den nan campaña politico.

Pesey el a sugeri pa e partidonan aki bin na e debate Diahuebs cu un lista di e cantidad
di banners y stickers y ken a sponsor nan, si nan kier papia di transparencia.

“Mi ta kere cu cada un di e partidonan aki a gasta mas cu 1 miyon florin caba”, segun
Wever.

Ora cu prensa a puntra Wever si el a participa na patronahe politico el a admiti cu den

pasado el a hasi esaki, pero e ta realiza cu esaki no por sigui.

“Pesey e reglanan di good governance mester bin”, segun lider di PPA/UPP.