Page 32 - MIN ECEM
P. 32
0
173
Share on Facebook
Tweet on Twitter
Den Professor Lorentzstraat e Polisnan den accion hunto cu DTP Departamento di
Transporte Publico riba caya a kita mas auto cu ta core pirata riba caya. Ta transporte
publico illegal e hendenan aki ta haci y esey ta suficiente motibo pa atende cu nan. Pa
algun tempo caba tin keho di nan y autoridad a bay den accion. Despues di vigila e pirata
aki a bay den accion y pare poco pabou di dokter van Trigt. E tabata tin un pasahero cu
mester a haya su placa bek. Segun e chauffeur ta un lift e ta duna hendenan cu e topa riba
caya. Ta amigonan di dje. Asina mes e pasahero a bisa cu e ta paga e persona aki pa e
wordo transporta. Loke tam as peligroso den henter e caso aki ta e falta di documento. E
auto no tin ningun clase di documento pa asina move riba caya. E chauffeur den
transporte pirata a perde su auto y mester a sigui na pia. Dos pirata a wordo baha for di
caminda. Polis ta reconoce cu nan ta hopi pero si kita dos tur dia ta logra elimina poco
poco e pirateria cu tin riba caya. Mayoria di e autonan aki nan number ta conoci.
