Page 17 - MIN ARENDS_Neat

AWEMainta Diahuebs, 4 Mei 2017 5

Director, sra. Nathalie Maduro:

Santa Rosa ta gradici Minister Presidente y WEB

pa logro di reduccion di tarifa pa cunukero

DIRECTOR di e Departamento di Agricultura,
Cria y Pesca (Santa Rosa), sra. Nathalie Maduro a
forma parti di e negociacionnan cu Minister Presi-
dente y alabes titular di Sector Primario Mike Eman
a encabesa pa logra yega na un tarifa mas conveniente
di awa pa nos cunukeronan.
Ora cu a logra esaki, Maduro a expresa no solamente
su gradicimento, pero tambe a probecha pa encura-
sha e cunukeronan pa demostra nan capacidad awo.

“En berdad nos kier wak sector primario crece y
nos hendenan come mas saludabel, pero un di e
retonan mas grandi ta awa, dus awe mi ta kere ta
un dia historico pasobra nos a logra algo grandi cu
ta e posibilidad di haya awa hopi mas barata pa nos
cunukeronan”, asina sra. Maduro a cuminsa bisando.

“Di banda di Santa Rosa nos kier pidi e cunukero-
nan tambe pa ban wak esaki como un oportunidad
positivo pa boso, haci bon uzo di e awa y traha hopi
mas pega cu Santa Rosa paso asina nos por yuda boso
hopi mas. Mi ta spera cu cada cunkero realisa cu a
tuma nos 7 aña pa logra esaki, pero nos a logr’e. Di
boso banda awo ban mustra kico nos sector primario
tin aden”, Maduro a expresa.

Mas aleu, director Maduro a gradici Gabinete Mike
Eman II, como tambe gerencianan di WEB Aruba
N.V. y Utilities Aruba N.V. pa e sosten y coopera-
cion. E cifra specifico no a keda revela ayera durante
e anuncio oficial di ayera pa motibo cu Santa Rosa
y WEB ainda mester sinta na mesa pa rond af cierto
detayenan. Minister Presidente Eman a adelanta si
na e momento ey cu e ta cualifica e reduccion como
uno substancial.