Page 37 - MIN ARENDS_Neat

Teo Croes: Parking ni klem no ta un motibo pa caida di benta

di comerciantenan den caya

Wednesday, 03 May 2017 18:37
Comparti

Nos tabata presente dilanti di Aruparking. Esaki ta pasobra cu diamars Gobierno a anuncia cu no lo klem
auto mas. Gobierno di Aruba ta doño di Aruparking, cu ta cay bao di Arubus tambe. Y e pregunta ta, si
oficialmente Aruparking a aplica e instruccion di Gobierno.

Manera cu nan a bisa, e lo bay sosode. Nos a combersa cu Teo Croes, kende ta director di Arubus,
cualnan ta responsabel pa Aruparking tambe. E klem, segun comerciantenan a pone cu nan negoshi su
benta a cay totalmente. Awor esey ta nifica cu e klem no lo wordo poni mas. Esey no kiermen cu no
mester paga. Teo Croes a splica kico ta e proceso cu nan mester hiba. Gobierno como accionista
mayoritario, 100% doño di Arubus y Aruparking, a tuma decision cu no lo bay klem mas, wardando pa un
sistema nobo pa por implimenta e boet. Desde ayera caba, no ta bezig ta klem mas, segun Teo Croes. Kico
si ta pasa Awor aki ta sigui normal. Pa evita confusion, teniendo comentario, cu ta bay cuminsa tow auto.
Ta bay sigui tow. E autonan cu ta para malo, cu ta para riba acera, cu ta stroba peaton pa cana, cu ta
forma un peliger. E autonan cu ta para na skina, cu ta stroba visibilidad na un driver, lo bay wordo getow.
No ta cuestion cu awor aki no ta klem y ta bay tow. Ta sigui cu e towmento normal. Efecto E hendenan ta
pagando. Nan ta respeta esey cu nan tin di paga. No tin e sancion p’esey awor aki. Ta wardando riba e ley
nobo. Gobierno ta bezig cu esey cu DWZ. Croes ta mandando un carta pa asina minister duna claridad di
esey y kico ta e proceduranan cu ta bay tin. Ora ta cla pa informa, lo haci esey.

Intension Croes no sa e intension, pero ta un otro forma di cobra e boetnan. E boetnan lo bay na cas,
manera otro partinan na mundo ta pasa. Culpa Aruparking y klem Comercio ta culpa Aruparking y klem
pa desgracia e comercio den caya. Croes no ta di acuerdo cu esaki. Bayendo bek riba e klem, na
cuminsamento di e discusionnan, idea tabata pa bin cu un forma di boet, pero Gobierno a dicidi cu esey
no lo wordo duna, pasobra ta keda na polis, cual Aruparking tabata tin comprondemento pa esey. Pero
tambe e ora a dicidi pa e klem, ta pa un otro motibo, pasobra no ta haya e placa. E ora e boet bay OM, lo
tarda hopi pa hay’e. Ta culpa parking of blame klem pa e situacion den caya, e no ta obviamente asina.
Tur hende kico ta e motibonan tras di dje. Croes no por papia pa ningun cliente, ningun comerciante,
pero si por bisa cu tin un transaccion di mas of menos 70 pa 75 mil pa luna, ciendo cu ta traha 9 pa 3 so.
Si nan bay na cierto tiendanan si y otro nan no, no por papia pa esey. Cada tienda mester promove su
mes pa e cliente bin cerca nan. Parking, ni klem no tin culpa di esey.

http://www.24ora.com/index.php?option=com_content&view=article&id=121417:teo-croes-parking-ni-
klem-no-ta-un-motibo-pa-caida-di-benta-di-comerciantenan-den-caya&catid=1:local&Itemid=5