Page 21 - AHATA

AHATA Aruba Ta Pasando Den “Perfect Storm”

 Featured

 Local
- 09/03/2020

Aruba Hotel & Tourism Association ta alerta comunidad cu Aruba actualmente ta
pasando den un ‘tormenta perfecto’; esta un combinacion di circunstancia y sucesonan cu
ta causa un peliger grandi pa nos economia y futuro financiero di nos pais.

Na mes momento Aruba ta experiencia e siguiente desaroyonan negativo:

Inventario di kamber di hotel den Caribe ta creciendo y habriendo bek, creando mas
competencia den region y e demanda pa Aruba ta bahando; Inventario di kamber di
Aruba ta na punto di crece cu hotel nobo.

Falta di empleado califica pa yena tur cupo di trabou y mantene nivel di servicio halto.
Dependencia halto di nos turismo riba mercado Mericano (80%). Aña di eleccion
presidencial na Merca, cu historicamente ta causa cu turistanan Mericano ta warda pa
gasta placa.

Efecto di Coronavirus riba turismo (miedo di biaha) y riba economia, causando
cancelacion y reduccion di reservacion. Imagen di Aruba cu nos ta un destinacion caro.

Mientrastanto Gobierno di Aruba ta sigui impone mas impuesto y otro medidanan riba
sector comercial y comunidad, subiendo mas ainda e costo ya halto di haci negoshi cu e
resultadonan cu prijsnan mester sigui subi pa nos residente y turistanan.