Page 76 - AHATA

“Parlamento lo aproba solamente e gastonan total na nivel di ministerio y ta duna e
Minister carta blanco pa reparti e fondonan manera cu e ta haña ta bon dentro di su
ministerio,” sr. Richard Arends a mustra.

“E desaroyo aki sigur ta algo sumamente cuestionabel y a trece esakinan dilanti den e
reunionnan preparativo. Sinembargo nos por a constata cu no a duna oido n’e
preocupacionnan di miembronan di Parlamento.”

“Ta trata aki di un prespuesto incompleto, como cu gran parti di e entradanan presupuesta
no tin base legal ainda, mirando cu e leynan cu ta formalisa e reforma fiscal no a yega
Parlamento ainda.” No obstante esaki Parlamento a haña solamente un siman di tempo pa
haci pregunta por escrito, mientras cu e presupuesto ta 6 luna laat.

Gobierno a anuncia cu e presupuesto aki ta den liña cu palabracionan cu CAFT y pa kita
cualkier intervencion for di Conseho di Minister di Reino.

“Esaki ta un punto di salida completamente robes caminda cu ta aumenta impuesto riba
lomba di ciudadano, comercio y nos unico pilar economico p’asina cumpli cu
palabracionan cu Gobierno riba su mes.

Manera cu CAFT a indica caba den su prome reaccion: Gobierno ta yega e normanan
stipula, unicamente dor di e medidanan nobo cu lo wordo implementa y mustrando tambe
cu no tin un reduccion genuino di gastonan,” segun declaracion di Parlamentario Richard
Arends.