Page 14 - MIN.SJA MARCH 10

Minister di Asuntonan Social y Labor di Curaçao di bishita
serca Minister Paul Croes

Monday, 09 March 2015 22:09
Comparti

Minister di Asuntonan Social y Labor di Curaçao a hasi un bishita di cortesia serca Minister di Labor di
Aruba. Durante e encuentro aki, Minister Paul Croes a conta su homologo di Curaçao riba varios
projectonan cu Gobierno di Aruba ta bezig cune y tambe su Ministerio.
Projectonan manera Ban Traha (pa re-integra personanan den bijstand riba e mercado laboral),
projectonan Feria Social y Poder di Hubentud, evaluacion di leynan laboral tabata algun di e topico.
Ministernan di Labor di Caribe recientemente tambe a topa otro na Bahamas unda a mustra riba
diferente projectonan cu cada pais ta hasi y a yega na un acuerdo pa intercambio di informacion riba
esaki. Minister di Asuntonan Social y Labor di Curaçao sra. Rutmilda Larmonie - Cecilia tambe a
comparti e varios projectonan cu su Ministerio ta encarga cune na Curaça. Un di e projectonan cu
Minister Croes lo kier mira mas di serca ta ensera e "output - Subsidie" cu a wordo institui na Curacao.
Alabez Minister Paul Croes tambe kier haya sa mas di e sistema di mercado laboral cu Curaçao a
implementa algun tempo atras. Un sistema electronico cu cifranan y cambionan den e mercado laboral.

http://www.24ora.com/politica-mainmenu-18/92692-minister-di-asuntonan-social-y-labor-di-curacao-
di-bishita-serca-minister-paul-croes