Page 40 - MIN ECEM

ATA ta aporta 600 mil dollar na Aruba
Summer Music FestivalORANJESTAD – Pa un evento

manera Aruba Summer Music Festival, Aruba Tourism Authority ta sponsor e
suma di 600 mil dollar anualmente. Segun e CEO di ATA , Ronella Tjin Asjoe, e
inversion a ‘pay off’ mirando cu aña pasa so e evento a genera 2.8 miyon dollar
extra na entrada pa Aruba. E cantidad di placa cu ATA ta inverti, ta depende di e
tipo di actividad, e mercado y si e organisadornan di e evento ta cumpli cu e
rekisito/criteria cu ATA ta stipula, prome cu por sponsor.

CRITERIA PA ATA PARTICIPA

Pa Aruba Tourism Authority por inverti den un evento of concierto, e organisadornan di
dicho evento mester cumpli cu cierto criteria. Entre nan, e evento mester por genera por
lo menos entre 2.500 pa 3.000 bishitante pa nos isla. Ademas ta haci un auditoria annual
y basa riba esey, ta determina si ta continua eventualmente cu mas ‘sponsorship’.

Anuncia 3 evento den e mesun siman no
ta mucho practico

ORANJESTAD – E siman aki Aruba a wordo inunda cu invitacion pa conciertonan
pa e aña aki. E siman aki so, Aruba a tende anuncio di por lo menos 3 evento grandi
cu ta conciertonan cu ta tuma lugar uno tras di otro. Tanto e anuncio como e
fechanan ta sigui otro hopi cerca. De hecho, durante e ultimo 3 dianan, a anuncia un
evento pa dia. Diamars Flip Flop, diaranzon a anuncia Aruba Summer Music
Festival y awe tardi ta anuncia e line up pa Soul Beach Music Festival. Pa hopi esaki
no mester ta un problema, pero promocionalmente e por ta confuso pa e publico.

INUNDACION DI INVITACION NO TA PRACTICOE forma con esaki a bay, no ta
esun mas practico, y ta algo cu e CEO di Aruba Tourism Authority Ronella Tjin Asjoe a
admiti cerca NoticiaCla.com. “Idealmente como oficina di turismo nos lo a desea
enberdad pa tin un tiki espacio” e CEO a bisa riba e hecho cu ta anuncia 3 diferente
evento asina tras di otro. “Pero de facto, no ta un problema. Cada un ta dirigi nan mes na
un diferente genero. Y mester bisa cu e dosnan cu oficina di turismo ta envolvi den dje
como patrocinador cu placa, cada un tin diferente line up y mercado”.

UN EVENTO NO MESTER CANIBALISA OTRO

Segun e CEO di ATA, no ta e intencion pa e eventonan canibalisa otro. Como tal ATA ta
purba di balance. “Sigur nos ta tene na cuenta cu Soul Beach Music Festival ta dirigi su