Page 23 - HOH

E cambionan cu mester a atende e biaha aki, tabata cambionan grandi pa motibo cu a

atende por ehempel cu pensioen, a atende cu un seguro di malesa cual ta un acuerdo cu a

wordo poni den otro na 2014, pero cu hospital no por a cumpli, of no a cumpli cun’e.

Esakinan a tuma tempo y den e reunion ta den e fase final.

Segun mediador di Gobierno, Anselmo Pontilius, a keda un punto riba mesa y a pidi

tempo pa por clarifik’e proximamente. A palabra en principio cu entre e siman aki y

diamars otro siman mester por firma e contracto colectivo cu tin un duracion di tres aña

den cual tin un cantidad di cambio positivo, pero tambe cambionan cu tin cu tene cuenta

cu nan pa loke ta e realidad di e hospital.

Entre otro por ehempel, un di nan cu ta den discusion ta cambio pa e trahadonan cu ta

riba 55 aña cu tin cu sigui traha wardanan di marduga. Ta cambionan cu a haci 20 aña

pasa. Pero awo cu e realidad nobo, den cual e trahado, sigur ta bay sigui traha te cu 65

aña, debi na e cambio di pensioen.

Ta puntonan cu tin cu tene cuenta cu nan. Tambe, manera cu a señala, a mehora e

pensioen considerablemente, tanto e trahado como e dunado di trabao. Tambe otro

puntonan cu ta importante den e operacion diario.

Segun mediador di gobierno, tanto e dirigentenan sindical como gerencia di hospital na

momento di firma e documentonan corespondiente aki, lo sa di bay den detaye ora cu

firma esaki.

Ta spera cu si no ta e siman aki, ta mas tarda diamars otro siman.

Trahamento di nachtdienst