Page 8 - WEB 1 DEC 2015

Tin cu duna e hendenan un chens pa bin paga prome cu
corta awa

Publication: Tuesday, 1 December 2015. Categoria: General

Asja Dongen di WEB:

ORANJESTAD (AAN): Mirando cu cada biaha mesun grupo di hende no ta bin paga nan
recibo di awa na tempo, a pone WEB tuma accion. Ta cada biaha cu pone e recordatorio na e
meter, e hendenan ta core bin paga.

Nan no ta pone atencion riba nan responsabilidad di tur luna. Durante entrevista cu Asja Dongen
el a splica cu nan a lanta druk na WEB pasobra e hendenan a core bin paga y nan tambe a
prepara pa e situacion.

E comunicado aki a wordo saca siman pasa pa informa principalmente clientenan cu tin
cuentanan di awa atrasa di WEB cu mester bin paga. Loke a pasa ta, den fin di siman ultimo, esta
diasabra, a parti mas of menos 2000 carta pa hendenan cu tin cuenta atrasa, cu e peticion pa nan
pasa WEB pa cancela nan debe pa asina evita cu mester corta nan awa.

Awor aki por mira cu for di tempran dialuna, tabata tin hende na WEB caba. Ta bay spera cu tin
un grupo grandi cu ta bay acudi den e dos dianan aki y ta prepara tambe pa nan. Ta bay pone tent
extra, habri loketnan extra pa asina nan tin menos inconveniencia posibel.

E clientenan por haci pago na loketnan di Elmar y tambe na oficina di gobierno, esta e
hulpsbestuurskantoor. Ta pidi si pa di e casonan aki, di cuentanan atrasa pa nan no haci pagonan
via banco of via online banking. Pasobra e ta bay tarda un tiki mas pa haci e proceso cu a ricibi e
placa.

Tur loket na WEB ta habri, segun Dongen. Tin mas of menos 4 loket habri.

Por a mira un reaccion tempran. For di tempran hendenan a bay na oficina di WEB y en berdad e
prome impresion ta hendenan cu no tin debenan cuantioso, pero cu si ta cana atras. Esey ta e
motibo principal tambe cu awor aki ta cuminsa saca carta atrobe. Kier evita cu e debe ta bira
hopi mas grandi cu e hendenan cierto momento no por cumpli.