Page 23 - 18j24

DIAHUEBS 18 JANUARI 2024 DIARIO PAGINA 23
“Husto ta paga pa
pecador”
Botica,
corectamente, no
por fia baño mas na
clientela pa falta
di esnan cu ta lag'e
sushi cada bez

ORANJESTAD (AAN): E
dicho bieu “husto ta paga
pa pecador” lo sigui vigente
tanten tin personanan cu no
ta preocupa cu nan prohimo,
por ehemplo den caso di hen-
de cu ta haya nan mes den
urgencia di pidi fia un baño
publico, por ehemplo den un
botica.
Tin un botica cu su personal
ta sumamente amable y cu
pa añanan largo a fia baño na
nan clientenan, y nos tur sa
cu hopi biaha esaki ta wordo
nenga den tiendanan cu tin
e facilidad aki, of un snack,
etc.
Pero lamentablemente, pa
loke ta e botica nan mester
a stop di fia baño pa motibo
di e sushedad con algun per-
sona tabata lague, sin flush,
y cu sushi of urina den dje.
Ora e personal mes mester a
use, nan tabata keda casi den
shock, di manera cu a dicidi
di no fia nan servicio sani-
tario mas na cliente, aunke
husto tin cu paga pa pecador.
Algun siman pasa DIARIO a
trece dilanti e comentario di
un housekeeping cu ta haci
limpi e bañonan di un mal
bon conoci den ciudad, unda
tin biaha tin hasta rij wardan-
do, tanto turista como hende
local, mayoria trahado di e
mesun area.
E housekeeping tabata hopi
cansa e dia ey pasobra un di
e bañonan a pega y no por a
flush mas, y mester a yama
un tecnico pa drech’e. Tabata
tin un cantidad di papel toilet
cu a tapa e salida di awa, y
un persona a laga sushi no
solamente paden, pero riba
e tapadera y riba vloer. Y ta
sosode practicamente tur dia,
cu e señoranan di limpieza,
cu sin duda ta haci un trabao
noble cu merece respet, tin
cu pasa den situacionnan de-
sagradable pa brinda un baño
limpi na tur cu mester.
Esaki no ta bay hopi mas leu
cu si e usuarionan ta hende
limpi of no, sino si nan ta
hende respetuoso di e tra-
bao di otronan, specialmente
esun di housekeeping na cual
mester duna hopi valor.