Page 96 - AHATA
P. 96
ORANJESTAD (AAN): Fin di siman
Parlamentario Hulandes, sra. Antje Diertens (D66) tabata na Aruba pa un bishita di
trabou.
Durante su estadia Diertens a bishita y a haya presentacion di Parke Arikok y IBISA.
Esaki den cuadro di e carteranan cu Diertens ta encarga cune den Parlamento
Hulandes. Mirando e desaroyo entre Aruba y Hulanda, y e hecho cu Diertens ta parti di
e comision Hulandes di relacion den Reino, a haci uzo tambe di e oportunidad pa e
profesionalnan Arubiano encarga cu Sociaal Crisis Plan y Departamento di Finanzas,
duna un presentacion amplio.
DIFERENCIA ENTRE PAISNAN DEN REINO
A splica Diertens cu contrario na Corsow y Sint Maarten por ehempel, pais Aruba no a
haya “schuldsanering” di Hulanda y tampoco tin debe cu Hulanda. Na mes momento a
tuma tempo tambe pa duna un splicacion amplio di e diferencia entre e base legal di
supervision financiero entre e paisnan. Corsow y Sint Maarten tin esaki ancra den un
“consensus rijkswet” y Aruba den un ordenansa nacional.
CAFT
A splica e Parlamentario Hulandes tambe cu a señala cu CAFT ta uza cierto cifra ora ta
manda carta pa Gobierno di Aruba, pero otro cifra ora ta manda carta pa Gobierno di
Reino. Remarcabel ta cu apesar cu pais Aruba lo cumpli cu e normanan financiero
stipula pa 2019, CAFT mes ta señala esaki, toch nan ta conseha pa duna Aruba un
“aanwijzing”.
