Page 12 - AM221018

Deporte AWEMainta Diamars, 18 October 2022

Karim Benzema ta kibra barera di

Messi y Ronaldo ganando Bala di Oro

tabata merece, no tabatin otro ganado posibel e biaha aki

E y cu ausencia di tanto Leo Messi y Ronaldo como candi-
datonan fuerte, e decision sin duda tabata mas facil pa tuma
ya cu Benzema tabatin un tremendo temporada tras di lomba.
Real Madrid awe ta e ekipo di Benzema y desde salida di

Ronaldo, e centro delantero Frances a carga e ekipo di Madrid
den su totalidad cu un serie di golnan increibel, esun di mas
famoso, ora cu el a yuda bolter un marcado di 2-0 contra
di Paris Saint Germain, pa asina pasa pa e gran final di

Champions League.
Messi a haya su mes envolvi den un periodo caminda el a
cambia Barcelona pa PSG di Paris pero sin logra cosnan grandi
den su prome temporada mientras cu Ronaldo tabatin un mal

temporada cu Manchester United caminda e no a logra na
clasifica e ekipo pa e Champions League.
E Portugues a trata di tur forma pa bay for di United pero
ningun ekipo kier a paga su salario of su transferencia

mirando cu su edad ta subiendo y su capacidadnan tambe ta
disminuyendo como futbolista y el a keda cu United caminda
e no ta hungando mucho como titular.
Benzema tin dos temporada caba cargando e ekipo di Madrid,

mas cu tur otro hungado y tur e exito cu e ekipo ta logrando
den tur competencia, tabata pa motibo di su logronan cu sin
duda awor e ta wordo reconoci pa esakinan.
Despues cu el a wordo expulsa for di e seleccion nacional

di Francia, Benzema awor ta bek den e seleccion nacional y
ta rumbo pa bay Copa Mundial cu lo ser hunga na luna di
November na Qatar.
Cu e nombracion aki Benzema ta bira e di cinco Frances cu ta

gana e premio aki, caminda Raymond Kopa a gana e prome
na 1958, sigui pa Michel Platini na 1983, 1984 y 1985, sigui
despues pa Jean Pierre Papin na 1991 y Zinedine Zidane
kende a gana e premio aki na 1998.

Awor 24 aña despues e miho futbolista di mundo ta bira
Benzema superando otro futbolistanan manea Sadio Mane,
Kevin den Bruyne y Robert Lewandoski, e ultimo aki kende a
wordo considera di a ser horta e titulo aña pasa ora cu Messi

a ricibi e premio aki.
Benzema cu su 34 aña di edad a converti su mes den e
ganado mas bieu den historia di Bala di Oro pero realmente el
a merece e titulo aki.

Bala di Oro entre e damanan a bolbe bay pa Alexia Putellas
di Barcelona, e copa di gran talento hoben a bay pa Gavi
di Barcelona, miho portero a bay pa Thibaut Courtois di
Real Madrid, miho goleado a bay pa Robert Lewandoski di

Barcelona, miho medio campista a bay pa Sadio Mane Bayern
Munchen y e ekipo di aña a bay pa Manchester City.

12