Page 29 - FDLP
P. 29
Fundacion Movimiento ta Bida hunto cu Fundacion Parke Nacional Aruba ta organisa e
prome 100KM Hiking Challlenge. Cuminsa e aña 2020 cu un desafio personal nobo
caminda cu bo lo participa den 12 caminata den naturalesa cu hunto lo completa 100KM.
E 100KM Hiking Challenge ta cuminsa diasabra 11 di januari y ta termina diasabra 28 di
maart. Tur 12 caminata ta tuma luga riba diasabra mainta saliendo pa 6or di mainta.
Registra prome cu 8 di januari na reservations@arubanationalpark.org pa garantisa bo
participacion.
Cupo pa participacion ta limita. Costo di participacion pa persona cu un carchi valido di
miembrecia di parke ta AWG 7,50 pa tur 12 caminata. Pa persona cu no tin carchi di
miembrecia di parke e ta costa AWG 30, – y bo ta ricibi un carchi di miembrecia. E pago
por wordo procesa na e Visitor Center di Parke Nacional Arikok durante ora di trabou. E
100KM Hiking Challenge no ta un competencia, e ta un desafio personal caminda cu e
participante lo ta den movecion pa mehora nan salud y tambe disfruta di nos naturalesa
riba un paso trankilo.
Ta pidi pa tur persona cu lo participa pa bisti un bon keds pa cana den mondi y tambe pa
tin awa y tambe un fruta, esaki ta paso algun di e rutanan ta largo. Sigur Fundacion
Movimiento ta Bida y Fundacion Parke Nacional Aruba ta desea pa tur participante
compromete nan mes na e desafio y cu na final dia 28 di maart tur hende a logra e
100KM Hiking Challenge. Pa mas informacion por yama na 585-1234 of bishita nos
pagina di facebook; https://www.facebook.com/arikoknationalpark
https://24ora.com/registra-y-participa-na-e-100km-hiking-challenge/
