Page 4 - AM200423

4 AWEMainta Diahuebs, 23 April 2020

Minister Xiomara Maduro

A haci entrega di donacion di mask di Asociacion

Chines na diferente departamento di Gobierno

RECIENTEMENTE Asociacion di Comerciante
Chines a haci entrega di mask na Minister Xiomara Mad-

uro cu e peticion pa reparti esaki bou di departamentonan
di Gobierno cu ta sigui opera den momento di Shelter in

Place p’asina nan por conta cu e proteccion necesario.
Dialuna merdia Minister Maduro a entrega e bunita dona-

cion aki n’e departamentonan di Gobierno cu den e mo-
mento di crisis aki ta trahando pa percura p’e seguridad

publico, social, economico y financiero di nos pais por keda
stabil.

Hunto cu colega Minister Andin Bikker, e mandatario a en-

trega mask na KPA cu e palabra di gratitud pa nan trabou
incansabel specialmente den e periodo di Toque de Queda.

Minister Maduro ta gradici Cuerpo di Aduana tambe pa
por sigui cu nan trabou durante e periodo di Shelter in

Place p’asina carga importante pa nos salud y alimenta-
cion por keda procesa debidamente.

Palabra di gratitud tambe na Departamento di Impuesto

cu ta keda funciona p’asina percura pa fondonan necesario
pa pais Aruba por keda funciona.

Minister Maduro ta gradici full e ekipo di Departamento
Social cu ta brindando yudansa na comunidad den e mo-

mentonan aki di hopi inseguridad.
Na Casa Cuna tambe masha danki pa tur e trabou cu amor

cu ta wordo haci pa nos muchanan.
Minister Maduro den nomber di Gobierno a gradici Aso-

ciacion di Comerciante Chines pa e bunita gesto aki pa tra-
hadornan publico di pais Aruba den momento di crisis.