Page 11 - POST ARUBA
P. 11
Por a tende hende ta comenta cu na Aruba riba negoshi y E-post of tambe Online
Shopping, etc. Katherine Lacle, kende ta head marketing di Post Aruba NV y el a splica
con Online Shopping su trend ta, mirando cu hopi di e mercancia aki ta bin via post.
El a conta cu a cuminsa cu e servicio aki na 2007 y nan a ripara cu for di 2015 e volumen
a crece masha hopi mes, compara cu e añanan anterior. Esey ta nifica cu e hendenan awor
aki ta un tiki mas ahustando nan mes na e servicio nobo aki y nan ta conociendo mas y ta
durf mas di shop online awor aki.
For di e ultimo añanan aki a mira un crecemento hopi grandi. Hasta mester a expande nan
espacio, unda nan ta warda e pakinan. E volumen tabata biniendo mucho hopi y mester a
amplia nan departamento y pone hende extra pa traha pa por procesa e volumen di
pakinan actual.
Kico e ta nifica pa Post
Como cu cartanan a baha cu tecnologia, awor aki mester a haci uzo di e mesun tecnologia
eynan cu a drop nan volumen di carta, pa nan por sigui existi. Online Shopping ta un di e
servicionan cu nan ta boosting awor aki, como cu e ta un di e productonan di e futuro di e
compania, cu lo bay permiti Post sigui existi. Aparte di esaki tin otro servicionan
electronico cu ta bezig ta trahando pa desaroya. Awor aki E-Post ta e core di post cu nan
ta purbando di haci mas grandi, segun Lacle.
