Page 20 - KPA - APRIL 7 , 2015

AWEMainta Diamars, 7 April 2015 11

Polis ta detene Un biaha mas
homber burachi
hunto cu pasahero Giordano ta bira
victima di ladronicia
POLIS na altura di e luznan di trafico banda di Mc Donald,

diasabra 01.58, a mira un auto para mei-mei di caminda.
Ora cu Polis a yega nan ta mira cu den e auto tin dos homber
drumi den e auto. No tabata facil pa lanta e dos hombernan
for di soño.
E chofer a bisa cu e tabata casi di yega cas y e ta biba banda di e
luznan di trafico, pero ta biba na Catiri. El a cuminsa haci fas-
tioso y Polis a detene tanto e chofer como e ocupante. E chofer
L.K. a bira onbeschoft y a cuminsa insulta e Polis y a grita cu e
yiunan di e polis lo wordo viola, sin tene cuenta cu nan edad.
Tambe na Warda L.K a insulta e Polis cu tur sorto di palabra
insolente. Ta trata di R.B. di 25 aña y L.K. di 23 aña.

Polis a detene
hoben cu cuchiu
den Ranchostraat

POLIS a tene un control di listramento preventivo diadomingo

00.10, y a listra algun hoben na final di Ranchostraat. Polis a
detene un mucha homber cu nan a haya cu un cuchiu. Tambe
Polis a core cu un grupo di hoben for di e sitio.
Despues cu Polis a bay for di e sitio, nan ta topa cue mesun grupo
n’e cuminsamento di Ranchostraat. Un di e hobennan a grita
palabra menos netji contra e polisnan y a keda debidamente
gescual y core for di e sitio.

GIORDANO den Caya Betico Croes a haya bishita indesea di adictonan ambulante ladron, cu a
dicidi di kibra e vitrina dilanti pa drenta pa horta basta paña.
Algun persona cu a wak e adictonan aki na careda den caya cu paña nobo den man a yama Polis.
Patruyanan a subi caminda pa busca den becindario den Ranchostraat, cu ta conoci como e centro
di adictonan ladron, pasobra ey nan ta hiba tur nan mercancia horta pa cambia esaki pa droga.
Mientras cu tabatin un oficial den Giordano ta wak e grabacion dor di e camara a tuma nota di e
tres sospechosonan cu a drenta horta, y asina autoridadnan a haci un detencion den Ranchostraat
di un sospechoso cu tabata cuadra cu e descripcion.
Tanten cu no tin un solucion pa adictonan ambulante, cu a kibra den mas negoshi e fin di siman tras
di lomba, nos lo sigui haya e situacionnan aki. Y manera menciona, e cas na Ranchostraat, ta nan
centro di cambio pa sigui haya droga.