Page 62 - KPA - APRIL 7 , 2015

Waya di coriente ta kibra causando daño na auto

Monday, 06 April 2015 19:23
Comparti

Dialuna atardi polisnan a wordo notifica pa presenta y traha un rapport riba un incidente cu a pasa. Na
yegada e personal di Elmar mes a caba cu nan trabou. Un famia di cuater den nan Kia Sportage riba e
caminda di Kibaima pa Tanki Flip net poco pabou di e tanki di awa na Santa Cruz a pasa den un susto.
Nan a scucha un tiro y mira candela spat. Ta bon mes cu nan auto tabata tin glas sera. Nan a sali den
famia bai core rond mirando cu ta dia liber. Nan a pasa den e susto aki cu a keda solamente den daño
material. E auto a haya basta rasca y windshield tambe. Despues di traha un rapport e famia a sigui.
Asina mes e famia a splica cu nan a warda mas cu un ora riba polis. A yama 100 y eynan a keda di manda
polis. Djey mirando e tardanza a bolbe yama y a duna e number di trafico. A yama trafico y nan no ta coy
telefon. Djey a bolbe yama central di polis y a pidi pa yama Santa Cruz. Warda di Santa Cruz a bisa e
famia cu nan no ta atende casonan ey y no tin hende. Ta cerca pa atende e casonan ey awor aki y ta
trafico mester bai. Finalmente a keda yama na central di polis cu a manda un patruya. E famia a splica cu
nan a warda un ora y mey. Te hasta e road service cu Elmar a keda cla cu nan parti. E famia tabata kier
un reportahe di polis riba e incidente pa asina por cana nan caminda legal su ta necesario mayan.
Despues di henter e situacion aki e famia a sigui nan caminda gradiciendo Dios cu nada mas serio a pasa.