Page 74 - KPA - APRIL 7 , 2015

http://www.24ora.com/policial-mainmenu-8/93788-100-mester-a-bin-yuda-165-ora-otro-van-di-
forensys-ta-accidenta

Hoben di 15 aña a flip despues di usa droga Molly

Monday, 06 April 2015 10:27
Comparti

Anciedad, paranoia, gana di suicidio ta djis algun di e problemanan cu e uso di e droga Molly ta causa.
Entre e hoben e droga aki ta wordo hopi usa.
Na Aruba e droga aki tambe tey. Asina un hoben di apenas 15 aña a wordo afecta te cu mester a interne
den PAAZ. Diadomingo anochi polisnan di San Nicolas mester a bai pura den direccion di un cas den
Maria van Oranjestraat. Eynan tin un bringamento basta pisa. Na yegada di polis e no tabata un
situacion facil. A topa cu un pelea formal entre dos dama den e camber. A pidi refuerzo mesora mirando
cu na dado momento otronan tambe a cuminsa mete y stroba trabou di polis. Asina mes a logra controla
e situacion. A detene un hoben di apenas 15 aña cu tabata totalmente den gara di droga.
E tabata bou influencia di Molly. Un rato prome aparantemente e tabata banda di Baby Beach y despues
di usa droga te hasta lo tabata cana sin paña. Na cas el a cuminsa causa problema y tabata papia tambe di
mata curpa. Polisnan cu a hibe warda a atende cune pero tabata necesario pa busca yudanza medico pe
tambe. A bin cune straight hospital unda despues a keda di hibe PAAZ. Ta spera cu e recupera di e
problema cu el a causa su mesun curpa. Eynan por mira cu uso di droga y mal amistad por hincabo den
problemanan serio cu por afectabo pa semper. Esaki mester ta djis un ehempel pa otronan tambe pa no
usa droga pasobra e por causabo problema serio y dolornan inecesario den famia.

Comentarionan (6)

Mustra/Kita comentarionan
Just A. Name.
April 06, 2015
1 9 0 .9 8 .1 0 8 .8 3
Votes: +0