Page 18 - KUSTWACHT

Actualmente, a pesar di tin retonan di arma y ilegalnan, no ta focus ariba
crecemento. Kisas lko bay focus ariba cierto cosnan mas tanto. Na cabes di
Warda Costa tin un presidium y den e presidium tin representante di tur e

paisnan. Y hunto ta dicidi kico nan lo kier focus ariba dje. Tur cos mester wordo
planea di delanta pa train e personal.

Pero tin un bom cu ta den rementa, na Venezuela, y niun plan no por prepara

nos pa e avalancha di hende cu ta huy for di nan luga y e islanan aki lo no por
wante. Sinembargo nos fronteranan ta keda responsabilidad di Reino Hulandes.

Y Reino Hulandes mester por interveni cu paar di Marina Real pa haci algo, cu si
encaso cos bay for di man, pa cera nos awanan teritorial pa nos islanan.
Esakinan ta situacionnan planea y palabra for di hopi tempo caba.

Di parti Warda Costa, den tur actividad cu nan ta haci, ta bon pa saca un

comunicado pa comunidad sa kico nan ta haci, kico ta e rol di Warda Costa den
cada situacion. Hopi ta e situacionnan di Warda Costa cu no ta sali den

publicidad. Diariamente nan ta hayanan cu casonan di Search and Rescue cu
pueblo no ta haya sa di dje. Warda Costa mester tin un contacto mas estrecho

cu e pueblo, segun Sr. Gouverneur.

Hopi biaha ta riparabel cu semper ta e mesun hendenan ta keda bin. Nan ta

wordo deporta y toch despues di paar di tempo, bo ta hayanan atrobe ta
purbando di drenta, segun Sr. Roderick Gouverneur, Relacionista Publico di

Warda Costa di Caribe Hulandes.