Page 9 - DIGICEL

E problema di MIO: No tin 'level

playing field' pa competi

Posted on 06/29/2017 11:52 am AST | Updated on 06/29/2017 11:55 am AST

ORANJESTAD - 'E montante ku Gobierno kier cobra e compania di
telecomuncacion MIO pa su concesion ta mucho halto, e no ta make sense'. Asina
NoticiaCla a haya comentario di un experto riba e tereno durante un
investigacion cu e portal aki a haci. Un dia prome, minister di Telecomunicacion
Richard Arends a confirma pa e portal aki cu enberdad MIO a admiti cu nan tin
problema cu e prijs cu ta pidi pa e consession y cu e compania ta mucho chikito.
Y investigacion di e portal aki ta duna mas luz riba e situacion y kico por ta e
origen di e problema. Asina ta haya un bon bista cu cos ta mas 'complica' cu ta
kere.

TECNOLOGIA NOBO TA REKERI INVERSION CUANTIOSO

Cu e cambio den technologia y e inversionan nobo cu constantemente mester haci, e
situacion di operacion pa MIO no ta parse di ta viable. Un provider (manera MIO) lo
mester tin por lo menos 20 mil plus cliente pa por sobrevivi e negoshi. E competencia
den e caso aki cu ta e.o.Setar tin e ventaga, y MIO lo no por sobrevivi cu menos di
10mil cliente. E compania mes a confirma diaranson cu nan tin 'apenas' 6 mil cliente.

NO TIN LEVEL PLAYING FIELD

Cu tur e loke a presenta ta mustra pue cu e 'level playing field' (situacion igual pa
competencia husto) ku e minister ta referi na dje no tei. E portal aki a compronde cu
na Corsou p.e. e providor ta paga un suma pa kada subscriber (cliente), pues no un
'suma adelanta' cu a wordu calcula unilateral sin input di e stakeholdersnan mes. Si e
gastonan y inversion ta mucho halto pa por 'break even' of hasi ganashi, e unico
opcion ta keda pa cera e compania of yega na un otro formula pa paga e 'derecho di
concecion'. Na final di cuenta, manera cu MIO a bisa tambe, ta e cliente ta esun cu ta
wordo perhudica paso e competencia cu ta necesario den nos mercado lo no tei mas.

E HISTORIA DI MIO

Investigacion cu e portal aki a haci, ta mustra cu e historia di MIO ta bay bek te na
2004. Na 2004 MIO a gana e destaho publico of beauty contest pa haya e di 3
licensia/concesion pa ofrece servicionan di telecommunicacion na Aruba. E grupo ku
a gana e 'bid' tabata consisti di Curacao Telecom”CT” y un partner local. E mesun
grupo ey a kibra e monopolio di Telecommunicacion na Corsou den Corte “uitspraak