Page 4 - LOTTO 5NOV,2015

Sospechoso a huy lagando su pareha Joana Uribe atras como sospechoso den caso
Excelsior Casino
Wednesday, 04 November 2015 22:21
Comparti

Joana Uribe tin tres aña na Aruba pero awor su pareha of amante a huy prome cu a detene. E figuranan
intelectual den e caso di atraco riba Excelsior Casino ta conoci. Fuentenan ta confirma cu Luidens ta fam
di e casa di Joana Uribe pero e ta den proceso di divorcio.

E pareha actual, ora cu el a mira cu cos a cuminsa bira cayente, el a baha na awa huy laga su muher atras
como un sospechoso. Joana Uribe ta casa cu e homber fam Luidens pero nan lo ta den proceso di divorcio.
E mes ta traha na Aruba y tin tres aña legal riba nos isla. Ta un di e caranan cu ta traha den bar na Pos
Chikito y claramente ta un atraccion pa clientenan. Awor su so a keda atras y tambe tabata tin intencion di
bandona Aruba. Prome cu el a haya chens di bandona e isla, el a keda deteni pa autoridad. E atracadornan
mes a bisa autoridad cu nan lo duna tur coperacion necesario. Esey ta dunando su fruto tambe pasobra tin
mas detencion a cay. Tin cu a bandona Aruba caba manera e amante di Joana Uribe. Mas detencion por
cay y den cierto caso no ta descarta cu por usa e Arestatie Team tambe pa haci e detencionnan na orario
cu menos ta spera. E casa Luidens mes a bai cerca autoridad caba parce pa asina aclarea algun cos riba e
situacion prome cu nan envolve su persona den e asunto aki.

http://www.24ora.com/policial-mainmenu-8/101663-sospechoso-a-huy-lagando-su-pareha-joana-
uribe-atras-como-sospechoso-den-caso-excelsior-casino