Page 30 - DIMP

Meverly Romano ta haci un peticion na comunidad cu mester tene cuenta cu seguridad y
seguridad di e personal, pero tambe di e contribuyentenan cu ta acudi.

Mesun cos ta sosode n’e MFA nan. Tabatin un situacion diamars, caminda cu tabata tin e
fecha final di BBO, pero tambe hopi cliente cu ta acudi pa paga number di auto.

Dado momento ya pa 12’or y mey na un di e MFA nan, mester a stop di duna number,
pasobra tabatin 200 persona den sala.

Tin cu tene cuenta cu e seguridad di nan y MFA ta un otro ballgame. DIMP ta huur un
espacio cerca nan, pero e edificio no ta di DIMP. Dado momento pa 4’or of 4’or y mey di
atardi, nan tin cu cera e edificio.

DIMP mester percura pa nan caba di atende tur cliente. Esey t’e motibo tambe pakico n’e
MFA-nan no por keda duna number mesun cos cu ta duna na Camacuri.

Na MFA e dunamento di number ta mas limita cu na Camacuri. Esaki ta algo cu kier a
pidi comunidad pa tene cuenta cu e factornan aki, pasobra tur aña ta ripara cu e ta causa
hopi critica. Pero tambe ta bon pa bisa esaki pa personanan por tin un idea pakico ta stop
di duna number dado momento.

PAGONAN
Pa loke t’e pagonan, Camacuri lo ta druk, MFAnan lo ta druk. Keto bay ta keda
recomenda pa haci e pago online, via bo banco. E ta facil, e ta sigur. Por haci’e ki ora cu
ta.

Pero si kier a pidi p’esnan cu ta warda te dia 28 di februari, preferibel haci e pago online
parti mainta.

Haciendo esaki parti atardi, ta core e riesgo, depende e cutoff time di e banco, cu e pago
ta wordo procesa of e ta yega riba e cuenta di DIMP e dia siguiente, esta dia 1.

E ta algo pa tene cuenta cun’e. E momento cu e pago drenta den sistema despues di dia
28 esey ta nifica tambe cu e persona ta bin na remarca pa haya un naheffingsaanslag y
logicamente lo haya boet den su aanslag.

Pesey tambe esnan cu ta desea di paga via banco, ta pidi encarecidamente pa haci’e na
tempo y preferibel no warda te dia 28, sino mas prome cu esey lo ta mas mihor.

Esnan cu ta paga via Aruba Bank y Banco di Caribe, nan pago ta wordo haci e mesun
anochi automaticamente den sistema di DIMP. E banconan aki a configura nan sistema
automatisa di tal forma cu e ta comunica directamente cu e sistema di DIMP.