Page 45 - DIMP
P. 45
“Si e pago drenta nos sistema despues di dia 28 di Februari e persona ta bay haya un
multa”.
“Esnan cu ta paga cu Aruba Bank of CMB si por conta cu e hecho cu e pago cu wordo
haci na e banco ta drenta mesora den e sistema di Servicio di Impuesto”.
Esaki segun Romano, kende a sigui bisa cu esnan cu paga online tin cu manda via email
info@impuesto.aw nan comprobante di pago, pa despues nan ricibi e recibo di pago via
email.
Tuma bon nota! Si acaso pa Diabierna otro siman, esta 28 di februari 2020 (fecha di
deadline) bo NO a logra di paga, bo mester ta prepara pa paga 50% extra ora cu bo
yega dia 2 di Maart 2020 na loket.
Por ehempel, esnan cu tin belasting di 300 Florin: Si bo logra toch paga nummer pa
henter aña riba Diabierna 28 di Februari, lo bo tin di paga 320 Florin.
Si bo no a logra paga Diabierna ey, y a bay paga Dialuna 2 di Maart, tene cuenta cu tur
hende cu paga laat lo haya automaticamente un multa di 50% di e suma cu nan mester
a paga originalmente, plus e suma inicial. Pues Dialuna e mesun persona ey lo paga
470 Florin.
Splicacion: Pues si bo belasting ta 300 Florin pa full aña, e ora riba Dialuna 2 di Maart
en adelante, lo bo mester paga 50% extra! Esta e 300 Florin + 150 Florin di boet, y
ainda e 12 Florin pa plachi, y e 8 Florin pa controle plaat. Esey ta yega na e suma di
470 Florin.
Si acaso bo ta paga mitar aña, e mesun chauffeur ey lo mester paga dia 2 Maart 2020 e
suma di 150 + 75 + 12, cu ta sali 237 Florin. Si e chauffeur ey a paga mitar aña 3 dia
prome, e lo mester a paga solamente 162 Florin.
E computernan di DIMP automaticamente lo añadi e multa si pa 28 di februari 2020 e
prome parti no ta paga.
BARCO TA YEGANDO:
