Page 8 - RDA
P. 8
Minister Alex Schwengle ta splica mas riba e asunto aki. Esey ta caba ta un indicacion
eynan. Literatura internacional ta mustra tambe cu tin un relacion entre e vecindario unda
cu tin cierto exposicionnan di stof of huma of hopi cacalaca, etc, tin un incidencia di
malesanan di pulmon.
Minister di Salubridad Publico, dr. Alex Schwengle ta pura pa Departamento di Salubridad
Publico por caba cu su proceso di reinforsa, pa otro aña cuminsa haci tur e analisisnan
necesario, ariba un base regular, pa asina e manehado y e minister por tuma su decisionan
mas concreto.
Si e minister yega cu datonan duro, y solamente bisa cu e ta kere, nan ta bar’e for di mesa.
Pero si e tin datonan concreto, e ora e no por wordo bari for di mesa, segun minister dr.
Alex Schwengle.
