Page 12 - AWEMAINTA

12 AWEMainta Diahuebs, 26 April 2018

KvK enfocando tambe riba e empresario nobo:

Prome Business Kick Off tabata un exito!

CAMARA DI COMERCIO Y INDUSTRIA
ARUBA (KvK) a tene diamars 24 di april ultimo un
evento organisa specialmente p’e empresario cu a caba

di registra su negoshi e aña aki. E idea tras esaki a ori-
gina despues cu The Lab y CATC a acerca KvK cu e
sugerencia pa brinda e empresario nobo mas informa-
cion y tools cu e por tin den su arsenal pa di e forma
aki cuminsa su negoshi cu un base mas solido.

KvK ta mira e importancia pa por brinda e empre-
sario tur loke e tin mester y di e forma aki a crea un
programa p’e anochi caminda e empresarionan nobo

a wordo invita.
E evento aki ta posibel danki n’e aporte di tur e ora-
dornan y tambe sponsor Pepia Est cu a trece diferente
biña pa acompaña e sesion di networking di e anochi
aki.

E intencion di KvK ta pa organisa e evento aki mas
frecuente pa aña y invita empresario cu recien a regis-

tra su prome negoshi. E empresarionan cu a atende e
evento a aplaudi e iniciativa y a haya e informacion cu
a wordo presenta sumamente valioso.
Ademas a haya e oportunidad pa crea mihor contacto
y haci pregunta relaciona cu diferente aspecto di haci

negoshi cu esnan presente.

Directora di KvK, sra. Sonja Velthuizen a hiba palabra

di bon bini sigui pa sr. Ernst Mohamed, Presidente di
Directiva di KvK.
Durante e anochi a duna diferente presentacion di
interes p’e empresario: Qredits a duna informacion
encuanto financiamento; CATC a splica encuanto ad-

ministracion di negoshi; The Lab a elabora riba mar-
keting y social media; Departamento di Impuesto a
discuti e topico di impuesto pa negoshi y Sagicor Life

Aruba a trece dilanti e importancia di seguro.

Den e auditorio tambe tabata presente algun compa-
nia cu nan booth pa brinda mas informacion n’e em-
presario. E empresarionan a elogia e evento y a keda

hopi agradecido cu e oportunidad unico aki di ricibi
informacion y crea lasonan comercial cu sigur lo yuda
nan den nan empeño comercial.

KvK ta pone pa organisa e evento aki mas frecuente
pa aña banda di su eventonan di Business Plaza cu e
intencion di yuda tur comerciante segun na ki etapa
nan por ta cu nan negoshi.
Pa mas informacion por tuma contacto tambe via e-

mail: businessinfo@arubachamber.com of yama nos
na: 582-1566, ext. 27/30/35/42.