Page 20 - AWEMAINTA

20 AWEMainta Diahuebs, 26 April 2018

Michella Steenvoorde-Lacle di partido POR:

Porfin Gobierno lo bai traha riba integracion

Introduciendo un miho perspectiva dor di ehecuta un mihor polisa

DIAHUEBS ultimo durante tratamento di

presupuesto 2018, Minister di Husticia, Siguri-
dad y Integracion mr. Andin Bikker a duna pre-

sentacion di su presupuesto di cada departamento
cu ta cay bou di su maneho.
Un presupuesto cu Gobierno di AVP mester a en-

trega na luna di september 2017 manera ley ta
prescribi. No obstante a scoge e caminda mas facil

y cobarde y a laga esaki cay full bou di responsabi-
lidad di gabinete Wever-Croes. Esaki ta un di e
motibonan cu e presupuesto a dura cinco luna pa

ser trata.

Minister Bikker su reparticion di cartera, segun

e Landsverordening Instellingen Ministeries, ta
conta cu 13 departamento cu ta cay bou di su re-
sponsabilidad di cual DIMAS y IASA cu ta nobo

den e constelacion aki.

Durante discusion di presupuesto Minister Bikker
a presenta su maneho pa cambia e LTUV, Lands-
verordening Toelatig Uitzending en Verwijdering,

pa asina haci ley di admicion mas trasparente, hu-
mano pero tambe estricto.

Intencion di esaki ta pa pone mas enfasis riba
integracion di migrantenan, maneho cu actual-
mente ta trahando riba dje. Integracion ta encera

cu diferente grupo den sociedad ta yega na otro pa
biba den harmonia, adapta su mes na e pais nobo
y tambe pa e pais por acepta e migrante como un

ciudadano den e sociedad.

Relaciona cu integracion a presenta tambe un

mocion durante tratamento di presupuesto 2018
unda ta pidi pa bin cu un ‘integratie toets’. E toets

aki ta encera cu e ciudadano nobo mester siña e
idioma Papiamento, Aruba su cultura, historia y
tambe norma y balornan. Cu e exigencia aki lo

kier enfatisa riba sostenibilidad di e verlenging di
permiso pa un tempo largo y garantisa sobreviven-

cia di idioma Papiamento conhuntamente cu un
servicio debido na sector hotelero y asina man-
tene calidad.

E ponencia y escogencia di Minister Andin Bikker
ta carga cu mi sosten pa e siguiente motibonan.