Page 52 - AWEMAINTA

52 AWEMainta Diahuebs, 26 April 2018

Corsou

Bewaker di negoshi

tira mata

WILLEMSTAD – Ayera diárason 25 di april 2018, alrededor di
00.40 or, Central di Polis a dirigí unidadnan di Polis pa Caya
Jacob Posner, caminda tin un hòmber heridá riba tereno di un
establecimento.
Patruya cu a yega n’e sitio a topa enbèrdad cu un hòmber drumi
riba su lomba gravemente heridá.
For di investigacion preliminar cu Polis a haci n’e sito, te caminda
esaki tabata posibel y bou di e circunstancianan presente, por a
mira cu e víctima (un bewaker di e establecimento) tabatin herida
di bala. Dòkter di Polis a constatá morto di e víkcima.

E procedura cu ta mantené na dje ta, cu ta notificá famia via
e canal(nan) legal y oficial promé y despues di esey por haci e
identidad di e víctima público.
Riba òrdo di Fiscal di Ministerio Público a confiscá e curpa sin
bida di e víctima pa mas investigacion.
Motibo di e asesinato ta den investigacion. Ta suplicá tur persona
cu tin cualkier informacion di e caso aki, pa pasa esaki na Polis via
di number di telefòn 917 òf 108 (riba e number aki bo anonimidad
ta garantisá).

Mas laat nos a haya identidad di e victima y e t’e hòmber Yvenel
Alcindor, nacé na Haiti, 25 april 1978, pues el a ser mata riba dia
di su cumpleaños, cumpliendo su 40 aña.