Page 30 - DESPA

42 Djaweps 25 Febrüari 2016

...Konsumidónan ta konfundí... SOSEGA NA PAS

KETU BAI TIN PROBLEMA KU

FECHANAN DI VENSEMENTU

WKLLEMSTAD.- Ketu bai kaso aki, ta keda e situashon promé responsabilidat pa
tin problemanan ku fechanan ku anke e empresa ta esun chèk kalidat di e produkto ta
di vensementu. Pa hopi ku ta bende e produkto, e di kliente.
tempu a papia di e fechanan
aki pa hasi e konsumidó
mas konsiente. Fundashon
pa Konsumidó mes ta
instrumental den e proseso
aki. Pero tòg te awe ainda
tin konfushon. E konsumidó
ta wak kiko ta skibí riba
e label i por lo general tin
diferente tipo di fecha di
vensementu. Tin esun ku ta
menshoná un fecha konkreto,
prinsipalmente produktonan
lakteo. Tin tambe sinembargo
ku ta bisa “best used by”
i ta menshoná e fecha.
Esei ta loke ta konfundí e
konsumidó, pasobra ora nan
reklamá ta bisa nan ku e
produkto no ta vense pero ku
ta mihó us’é pa sierto fecha. E
úniko problema ta no ta bisa
kuantu dia despues ku e ta
“best used by” ainda por us’é.

Un otro problema ta ku
mester wak ora ta hasi oferta
di produktonan na preis
mas barata. Ta pasando
ketu bai ku ta pone labelnan
riba e fecha di vensementu.
E konsumidó ku ta hopi
entusiasmá pa haña un
preis mas barata ta kue e
produkto konfiá sin tuma
nota ku tin un label riba e
fecha di vensementu. Ku
otro palabra e produkto no
ta usabel mas. Tuma nota ku
e práktika aki ta tuma lugá
den e supermerkadonan mas
konosí i grandi.

E fecha di vensementu ta
konta básikamente pa tur
establesimentu. E problema
ta ku hopi biaha e konsumidó
no ta haña e fecha pa mira.
Por ehèmpel den un restorant
ta basha e produkto for di un
bòter òf paki den e glas pero
e kliente no sa si e produkto
a vense. Tin biaha ta ora e
konsumidó tuma nota ku e
produkto tin un smak straño,
e por reakshoná.

Den fin di siman tabatin
e kaso di un restorant ‘fast
food’ ku a duna klientenan
yògùrt ku fecha ku a kaduká
kaba. E manager a bisa ku
por usa e produkto un luna
despues ku e fecha vense.
Remarkabel ta sinembargo
ku e luna ei tambe a pasa.
E klientenan tabata hopi
disgustá pa e aktitut aki
na momentu ku nan a bai
reklamá. Ayera e empresa a
pidi diskulpa pa loke a pasa i
a bisa ku e kompania ta trata
di kumpli ku tur standard. E
kaso a haña hopi komentario
riba retnan soshal.Lòs for di e