Page 60 - MIN.TTC 5 FEB,2016

B12

CARNAValDiabierna 5 Februari 2016

Minister Paul Croes:

Noord ta ehempel di union y amor pa nos cultura

ORANJESTAD – Cu hopi
satisfaccion y orguyo,
Minister di Asuntonan
Social, Hubentud y Labor,
Paul Croes a tuma nota di
e exito grandi cu a bira e
prome Sunset Parade na
Noord.
Organisa pa e propio
habitantenan di e bario, e
parada tabata e gran sorpresa
di Carnaval 2016 halando un
centenar di persona aden pa
baila y na banda pa wak. Sin
duda algun, un pabien bon
merece ta bay na tur esnan
cu aporta na e actividad mas
nobo di nos fiesta cultural.
Minister Croes, como un yiu
stima y orguyoso di e pueblo
di Noord tambe tabata
programa pa ta presente
diamars anochi. Sin embargo,
compromiso di trabou a
pone cu mester a keda den
Parlamento te ora laat y no
por a asisti. Asina mes a sigui
desaroyonan di cerca y tabata
masha contento di tende con
tur cos a bay.
Pueblo di Noord a demostra
con por logra cosnan grandi
ora ta uni forsa. E unico
bario na Aruba, fuera di San
Nicolas cu por bisa cu ta
organisa nan propio eleccion
di Reina Infantil, Parada di
Mucha, y awo tambe nan
Sunset Parade. “Mi ta felicita
pueblo di Noord y bisindario
pasobra un biaha mas a
demostra con grandi boso
ta,” asina Minister Croes a
expresa.
E actividad, den su prome
salida, ta mustra un potencial
grandi. Tabatin un cantidad
grandi di participante, varios
bisindario den e districto
tabata representa y tur cos a
cana nechi. Esnan na banda
a disfruta di un parada cu a
surpasa expectativa y esnan
den dje a comparti masha
hopi alegria y animo creando
un ambiente sin igual.
Minister Croes un biaha mas
ta felicita, pero sigur tambe
gradici tur ciudadano envolvi
y ta ansioso caba pa por biba e
experiencia aki den Carnaval
63.