Page 12 - AWEMAINTA
P. 12
12 AWEMainta Diasabra, 7 December 2019
A peticion di general
Campaña pa Catalogo
di Pintura Indjan bay
Scol ta continua
MIRANDO e temporada di gradici, comparti y regala cu nos ta
den y a peticion di comunidad general, Fundacion 1403 ta ex-
tende e campaña di regala un buki na tur scol te cu fin di aña.
Hopi t’esnan cu a mustra interes pa participa den e proyecto co-
munitario (Community Partnership Project) di Fundacion 1403 y
su partnernan den contexto di e Metanan di Desaroyo Sostenibel
(SDG’s) di Nacionnan Uni, pa regala e bibliotecanan di tur scol
un Catalogo di Pintura Indjan.
Publico a intercambia cu arkeologo Harold Kelly y registrador
di coleccion Francisco Croes durante un pop-up na Baz-RRR den
centro di Oranjestad recientemente y a cumpra nan ehemplar.
Tur esnan cu a cumpra un ehemplar a haya un sticker pa pone
nan nomber. E sticker aki lo ser poni den un otro buki y F1403 lo
regala esaki na un scol proximamente.
E catalogo ta disponible na Museo Arqueologico Nacional Aruba
den Schelpstraat, na Plaza Bookstore, na De Wit & Van Dorp y
na Bruna. Si tin compania cu ta desea di cumpra e catalogo pa
nan relacion, por tuma contacto cu F1403 via nos pagina di FB of
email na fundacion.1403@yahoo.com. F1403 ta gradici un y tur cu
a haci e publicacion aki posibel y esnan cu ta sostene e campaña.
