Page 23 - KPA JUNE 30 2015

AWEMainta Diamars, 30 Juni 2015 15

Hoben
seriamente
herida den
accidente
ayera mainta
na Savaneta

DIALUNA mainta, mas of menos 6or, banda di

Aar Gee na Savaneta un dama ta wordo alcansa
pa un auto cu tabata bay direccion San Nicolas,
riba e caminda principal. Despues cu e auto a
alcansa e dama, esaki lo a bay dal tras di un bus di
Arubus cu a para den trafico un poco mas pariba
banda di e cruzada, segun un testigo.

Di acuerdo cu e prome informacion, un mucha
a keda gravemente herida. Polis a wordo manda
prome pa un accidente caminda un auto a dal
tras di un bus.

Despues a drenta informacion cu un bus a dal un
mucha. Polis a yega cu masha urgencia n’e sitio.
Eynan a mira e hoben hayando yudanza di
militarnan di Kazerne Kamp. Polis a pidi pa
ambulance cu mas urgencia.

Na yegada e paramediconan a drenta den accion
mesora. Despues di stabiliza e victima a sali cune
pa hospital. Su situacion ta hopi grave. E caminda
a wordo sera pa investigacion. Slachtofferhulp
a wordo notifica p’asina presenta na hospital y
topa cu famia.