Page 40 - KPA JUNE 30 2015

DIAMARS 30 JUNI 2015 DIARIO
Cosnan mas straño cu keremento den
spirito y otro misterionan
Riba e isla aki tin cosnan masha straño cu ta pasando y mi no ta
skirbi aki tocante spirito, ni zumbi ni misterionan di bruheria. Mi
ta pasa aki riba sucedidonan cu ningun hende ta kere cu lo pasa cu
nan y diripiente un dia, nan ta marca pa husticia, mientras otronan
cu ta abusa di derecho adkiri por haci y deshaci y nada ta pasa cu
nan.
CONTROLNAN POLICIAL
Tin un caso cu no a bini den rapport policial di diasabra, pero cu a tuma bo burachi, principalmente si bo ta envolvi den un desgracia.
lugar. E caso aki ta pone hende haya miedo pasobra bo no por core
den auto mas cu un cahita di “hotdog” pasobra esey mes lo por wordo
considera como arma y bo ta cay cera y ora bo sali bo ta ricibi un regalo ta importa si bo no por pasa test pasobra bo tin un of otro problema
di 500 florin di multa tambe. Un cahita di “hotdog” ? Naturalmente!!
Si nan ta bisa cu ora bo ta di malo hasta papel di WC por cortabo,
por considera cu hasta papel di WC ta un arma e ora ey. Pues
mi conseho ta: “si bo bay supermercado, laga e supermercado
entrega bo rolnan di papel di WC na bo cas. Si bo mes hiba nan
cas y pa mala suerte polis para bo auto y haya esaki den dje, bo ta
wordo hinca den boei, transporta cu dogcatcher pa warda, presenta
dilanti tur e hendenan cu ta den warda pa wordo procesa, pasando
humiyacion, y despues cera den un cel pa algun ora. Ora bo sali, tin
pa bo cla caba un boet di 500 florin pa paga. Si bo no paga esaki
den 2 siman e ta bira 1000 florin, y e caso e ora ey ta bay huez y bo
por spera castigo mas pisa ainda.
Esaki ta nos dushi Aruba y e husticia “balanza” cu nos ta gaba
cune.
E caso mes cu no ta esun di papel di WC tabata di fin di siman: Riba
facebook por mira tambe loke esun envolvi a pone di locual a
pas’e.
E tabata na Circle K y a sali bay hiba yabi oficina pa su colega
habri oficina diadomingo. Su mala suerte tabata cu control di polis
a tuma lugar. Nan a tuma su datonan, cu splicacion cu e ta traha
cu compania cu ta transporta placa. Nan por a mira su chaleco anti
bala di e compania, y el a laga polisnan haci nan trabao. Pa su mala
suerte, den su dashboard a haya un aparato di habri boter di
biña, cu segun e, e tin eyden mas di 6 luna mas o menos cu tabata
un regalo di un supermercado of di unda tempo di Pasco. El a djis
tir’e eyden y el a keda eyden.
E direccion cu tur asunto di crimen ta bay riba nos isla lo indica: “E
cos aki no ta bon! Ta un arma e tin den dashboard.
Si algo a pasa y el a usa esaki, e frase lo bira: “E tabata tin e arma
premedita den auto”. E meneer aki cu ta carga ARMA DI CAN-
DELA tur dia debi na su trabao, y cu ta yena mashinnan di ATM
cu decenas, si no, centenares y miles di papel di 100 florin y
100 dollar tur dia mester bay den boei, hiba warda y wordo cera
pasobra a haya un aparato di habri boter di biña den su auto. Pa
colmo, di e poco entrada cu e ta goza di dje, lo tin cu kita awor 500
florin pa e paga multa pa e violacion aki.
Esakinan ta cosnan cu ta ponemi rabia. Pakico??
E VIOLADORNAN DI MADRUGA
Cuanto biaha lectornan no a lesa ultimo 4 simannan so, pa no men-
ciona e cantidad di biahanan ultimo lunanan, di cierto Bar Restau-
rantnan y lugarnan nocturno, cu ta viola ora di ciere. Keto bay ta
tende cu 3 or, 4 or y mas laat den madruga durante siman, polis
ta haya e lugarnan habri y cu cantidad di hende ta bebe bebidanan
alcoholico paden. Locual ta lesa ta cu PROCES VERBAAL a wordo
traha y NADA MAS. Ta esaki mi ta considera e inhusticianan. Otro-
nan lo a haya nan permiso kita despues di 2 of 3 advertencia pa
cualquier otro violacion, pero esakinan no. Si nan ta sigui viola e
reglamentonan of leynan of con cu bo kier yam’e nan no ta preocupa
mes. Ta un procesverbaal nan ta haya.
Bo no ta tende nunca cuanto e multa lo tabata y cu pa motibo cu e
ta ASINA ABAO nan ta sigui haci y deshaci. E homber chikito si ta
haya su 500 impone mes ora y si no paga den 2 siman e ta bira mil
florin. E negoshinan aki ta sigui promove desgracia di trafico causa
pa motibo di ta bao influencia di alcohol, pero nan permiso si ta keda
intacto pa un “WAARSCHUWING” of un “PROCESVERBAAL” pa
nan violacion.
E control riba establecimentonan tambe ta un cu bo no ta tende kico
a pasa. Tin di nan cu na mas di un ocasion a haya nan mes den
situacion inhigienico etc. Semper ta procesverbaal of cera pa algun
PAGINA 27
ora of un dia. Sporadicamente ta di mas dia. Nan ta habri despues
sigui cu nan negoshi normalmente, pero despues di tempo ata nan
nomber menciona atrobe di cushina inhigienico etc. E permiso ta
sigui core toch normal, “lagami paga un boet y cos a caba,” nan
lo a bisa.
E INTIMIDACION HUDICIAL
Esun cu mi ta considera un intimidacion hudicial, ta ora cu nan haya
Bo no mester ta ni burachi. Ta for di un bar bo a sali, y si bo a bebe
UN CERVEZ so, ta suficiente pa nan bisa cu bo tabata burachi. No
di respiracion.
Eynan caba bo ta condena na: “el a nenga di pasa test di alco-
hol”.
Si el a duna un motibo di con, hibe hospital anto. Laga averigua su
problema di salud y no djis tira riba papel: “el a nenga di pasa test
of el a resisti”.
Awor si bo a admiti di a bebe UN CERVEZ, bo a caba di firma bo
sentencia, pasobra bo ta djis lesa mañan cu: “el a admiti di a con-
sumi bebiba alcoholico”. Nan no ta menciona cuanto of menciona
cu bo a menciona UN.
Bo ta hayabo despues cu un asina yama “Schikkingsvoorstel” (un
proposicion di solucion) di parti di un fiscal. Bo tin cu pasa un curso
“Manehando bao influencia” pagando 200 florin y termina esaki
cu bon resultado. Bo tin cu paga ademas 300 florin na Ministerio
Publico. E curso ta 8 session di 3 ora.
Pero si bo no ta di acuerdo cu e “Schikkingsvoorstel” bo ta intimi-
da cu bo caso ta bay dilanti huez y cu e fiscal lo exigi castigo mas
halto cu e “Schikkingsvoorstel”. Eynan ya caba bo ta intimida di
acepta e Schikkingsvoorstel, y manera ami sa bisa: Si bo acepta
of bo no acepta, bo ta perde TOCH.
Esakinan ta e sorto di cosnan cu mi ta considera abuso di poder y
cu bo no por haci nada contra si “bo no ta ZOMAAR IEMAND”.
DETENCION VIOLENTO
Nos a mira e aresto di e homber americano na New York caminda
a chok’e y cu el a keda sclama pa “aire” pasobra “mi no por hala
rosea !” El a muri despues.
Nos a mira e caso di e homber cu cinco pa seis polis a bula riba dje,
lastr’e hinke den dogcatcher y cu el a muri despues.
Nos a mira e caso di Mitchell Henriquez na Hulanda. Mirando
esakinan na television of grabacionnan ta pone cu na Aruba e actitud
extremo aki tambe ta wordo imita.
Den cuerpo mes ta mira con “tough” (tof) masha hopi polis a bira
diripiente sosteni pa nan “grandinan” cu ta tapa cu : “criminali-
dad ta aumenta y mester sali cu man duro!” Nan ta lubida cu ta
e actitudnan aki ta pone cu hende ta cuminza perde respet den
polis cu “no ta nan amigo mas”. Loke a pasa ta cu e potretnan di
“violencia extremo policial” e anochi di fakkeloptocht, no a wordo
publica. Esunnan menos extremo a publica. E ora ey lo a mira con
nan a baha BRUTO riba esnan cu si a bin den noticia.
Suerte ta cu no ta tur polis ta violento of “play tof” manera hopi
cu si ta haci esaki. Nos tin polisnan cu “ainda ta nos amigo” y cu ta
trata hende “manera hende”. E brutalidad extremo bo por haya ora
cu “e grandinan” duna ordo, si e polis ta desea of no, y e actitud ey
ta daña mas cu e ta drecha.
Pakico tin varios agente cu mi ta aprecia y admira? Esakinan ta al-
gun cu a dunami boet di trafico of cu a yega di para mi pa control.
E polisnan ey semper a bin cu decencia. Saludabo decentemente y
informabo di bo violacion of no. Semper cu nan a para mi, mi ta para,
pone mannan riba stuurwiel pa nan mira mi mannan. Ora nan splica
mi kico ta kico, mi ta contesta: “Meneer bo tin tur razon. Cumpli cu
bo trabao numa.” Mi ta ricibi mi procesverbaal sin keha, pasobra mi
a viola e ley. Mi ta bay di eynan contento cu e manera cu mi a wordo
trata pa e agente. Di ningun mi tin keho, pero mi sa mira si kico ta
pasa den hopi ocasion y scucha tambe kico a wordo haci cu hopi
victima y eynan ta unda bo ta perde bo confianza den nan y bisa:
“Mi no tin ruman ni amigo polis!” y inhusticia di abuso manera
menciona mas ariba ta ponemi rabia y hopi mes.
Juby Naar.