Page 3 - Joe laveist

AWEMainta Dialuna, 11 Januari 2016 29

RCA ta bolbe debuta
hoben di 14 aña y ta
avansa den Copa Betico

DIABIERNA anochi den CDGPT, ekipo

di Solito RCA “Big Wheel Lottery powered
by Powerade & KFC” ta derota Caravel 4-1
cu golnan di e hobennan Lang Trenidad,
Erik Santos, Steven Melchor y Joeward
Hoogenbergen.

Pero e “highlight” di e anochi tabata e hoben
delantero, Glembert Croes di 14 aña
cu a debuta na 82 minuut cu #14
den Division Honor. Di biaha el a
demostra velocidad y sabiduria di
e wega.

Esaki a trece recuerdo di e
legendario Edwin Dirksz cu tambe
a debuta cu RCA hoofdklas cu 14
aña casi 70 aña pasa. Otro hoben
di defensa cu a debuta e anochi aki
tabata Bart Van Haren di 17 aña, cu
ta un bon conoci di e cuna tricolor.
El a hunga 90 minuut y a demostra
corahe.

Asina aki RCA ta sigui demostra cu
e organisacion no ta stop di produci
talento y ta kere den su sistema hubenil.
Proximo compromiso ta diaranson awo,
dia 13 di januari cu CDGPT vs. Nacional/
Wahington. Esaki t’e unico ekipo cu
RCA no a gana den campeonato regular
2015/2016. Yega stadion pasobra un
tabla lo bula ora e Soldaatnan di Solito
bin busca nan clasificacion pa semi-
final Copa Betico.