Page 8 - HOH

ley a wordo aproba. Den e ley, na 2015, ora a aproba esaki, tabata tin den articulo 2, lid 3,

inciso 1, ta poni cu si e minister ta wordo autorisa pa si e huurovereenkomst, a base di

inversionnan nobo, of a base di indexeringnan cu lo tuma luga anualmente, mester subi

cu minister tin aprobacion di staten caba na e momento ey. Ma inciso 2 di biaha ta bisa cu

minister mester informa staten di esaki. No minister mester informa pa duna aprobacion.

Ley ta dune aprobacion caba y a base di esaki, minister riba dia 26 di Juni, a pidi pa e

comision di salubridad, cu ta presidi pa Marisol Lopez-Tromp, pa e bin duna informacion
na staten tocante di e diferente consehonan cu el a haya di Directie Wetgeving, di

rapportnan di SOGA y diferente instancia cu claramente ta duna unda e verhogingnan ta.

Ta rapportnan cu a puntra pe den pasado y e minister kier a bin duna informacion dia 26.

Ora cu e carta a drenta riba e fecha aki, e presidente a pidi mas informacion. Dos dia

despues ya e minister a reacciona pa e informacionnan pidi. Asina mes e reunion no a

wordo yama. Awor aki, despues pa e minister por clausura su periodo como mandatario

riba e hecho aki, ta bolbe manda un carta bisa cu e no a haya chens pa duna informacion,

pero lo manda mas informacion y rapport, pero simplemente informando debidamente

staten di e aumentonan cu lo tuma luga y pakico e mester tuma luga. E ta poni bon cla

den e toelichting di ley cu pa motibo di inversionnan, hechonan legitimo cu locual cu nan

ta y ta poni tambe den Directie Wetgeving cu automaticamente e minister tin aprobacion
pa haci esaki, segun Chris Dammers.