Page 9 - KPA

ORANJESTAD (AAN) – Actualmente Recherche tin un muher di inicial A. deteni como
sospechoso di lo a laga secuestra y mata un dama B. (cu ta trahando na un Bar na

Aruba) ora el a bay Punto Fijo.

Investigacion cu DIARIO a haci ta mustra cu e noticia di laga secuestra y mata e dama
B. na Punto Fijo ta algo inventa y cu tin un investigacion ta tumando lugar pa haya sa

kico realmente ta pasando.

SOSPECHOSO DETENI:

DIARIO a papia cu e abogado di e muher A., kende a confirma cu e muher ta deteni
como sospechoso di loke a sali den media cu un dama B. trahando na un lugar na
Aruba cu a bay Punto Fijo a wordo secuestra y mata.

Por a compronde cu e relacion entre e muher A. y e dama B. no ta bon y cu e dama B.
a haci denuncia contra e muher A. di lo a paga hende pa secuestr’e y mat’e.

Tin sospecho cu e muher B. lo a laga saca potret manera cu el a wordo secuestra y

mata y pone esaki den media, y a circula tambe riba Facebook, siendo cu esey no ta
asina. E no a wordo mata! E abogado a duna di conoce na DIARIO cu su cliente A. a
bisa cu nada di esey no ta berdad.

PROLONGA DETENCION:

Abogado di e muher A. a bisa cu A. entre tanto a bay dilanti Hues Comisario, kende a
prolonga e detencion di A. cu maximo 20 dia pa asina e investigacionnan por sigui nan

curso.

Door cu e investigacion ta andando, abogado no kier duna mucho informacion pa no
perhudica e investigacion.

DIARIO por a compronde cu si resulta cu enberdad e dama B. ta gaña, lo por spera cu e
muher A. lo bay haci denuncia na Recherche contra B. pa a haci denuncia falso contra
dje.