Page 15 - AM200713
P. 15
Dialuna, 13 Juli 2020 AWEMainta 15
Barracudas Artistic Swimming ta
anuncia su Summer Camp anual
13 – 17 juli 2020
Barracudas Aruba ta invita tur mucha cu ta gusta musica, baila y lan-
da! Como e unico club di landamento artistico na Aruba, Barracudas
Artistic Swimming ta dedica su mes completamente na forma atletanan
den e deporte cu a wordo introduci na e comunidad di Aruba na 1973.
Landamento artistico ta inclui elementonan di baile, acrobacia y landa-
mento cu ta enfoca riba forsa, pero tambe flexibilidad, cual ta exigi un
training specifico.
Mientras e arte y expresion durante di e rutinanan (shownan) ta sigura-
mente haci e deporte aki uno di esnan mas bunita na mundo.
E meta principal di e club ta pa brinda atletanan oportunidad pa desar-
oya y prepara nan mes pa competencianan internacional. Nos atletanan
ta sobresali internacionalmente y nos ta orguyoso di tur e logronan di e
ultimo 45 añanan.
Recientemente a habri e deporte pa mucha homber tambe participa mi-
rando e desaroyonan den e deporte internacionalmente.
Cu e camp aki nos kier sigui promove nos deporte na nos comunidad, cu
lo inclui actividadnan paden y pafor di awa entre otro training di figu-
ranan, flexibilidad, Zumba y mucho mas. Tur les lo tuma lugar na Pool
Olimpico na Savaneta di 8-11am y ta inclui healthy snacks, fruta y coi
bebe. Ta invita muchanan di tur edad cu tin por lo menos diploma A pa
participa n’e camp aki y sera conoci cu e bunita deporte di landamento
artistico.
Pa registra por manda nos nomber, edad y zwemdiploma via Facebook
messenger Barracudas Aruba, whatsapp +297 745 8347 of email: bar-
racudasaruba@gmail.com.
