Page 12 - FDLP
P. 12
22 AWEMainta Diamars, 31 December 2019
Autoridad lo mester bay puzzel un
atraco cu a sosode den Korvetstraat
DIADOMINGO anochi autoridad a wordo
poni na altura di un caso di atraco. Esaki a sos-
ode den Korvetstraat.
Segun informacionnan e momento ey, tabata pa-
pia di cu atracadornan lo a baha algun hende
for di nan Toyota 4Runner y bay cune lagando e
hendenan na pia. No ta conoci si arma a wordo
usa pa forsa nan baha di e auto.
Awor ta unda e storia ta bira straño, ta parce cu
e supuesto atracadornan lo a trece e auto bek of
lo no a bay mucho leu y nan ta bin haya e Toyota
4Runner cerca di unda nan a forsa nan baha.
Parce den e mesun caya.
Aparentemente cu esnan cu lo a bira victima a
fia e 4Runner di un otro persona. Despues cerca
di unda e doño ta biba e incidente ta tuma lugar.
Esnan cu a bay cu e auto a bay cu celularnan
tambe di e dos personanan.
Autoridad a activa esnan concerni manera Re-
cherche y tambe Departamento Tecnico di Polis.
N’e sitio a papia y tuma declaracion di diferente
persona. Awor ta keda na Polis pa saca afo kico
di berdad tin tras di e caso aki
