Page 5 - COLEGIO ARUBANO 27 FEB,2016

AWEMainta Diasabra, 27 Februari 2016 21

E alumnonan a traha un examen di 100
minuut den klas.
Un total di 11,035 alumno di bovenbouw
HAVO yVWO a participa.
E score maximo tabata 122 punto. E score
averahe di tur participante ta 54 punto.
E 5 miho alumnonan di Colegio Arubano a
score un averahe di 63.2 punto.
Julitsa Franken di klas VWO 5 a gana e
competencia aki entre tur e alumnonan di
VWO 6 y VWO 5. E di dos ganador entre
e alumnonan di Colegio Arubano ta Ana
Victoria Kock y e tercer puesto a keda pa
Giovanni Lieuw. Ambos ta alumno di VWO
6.

“E resultado di e prome ronda ta duna
acceso na e grupo di alumnonan cu ta
cay den e top 10% di tur participante pa
sigui pa e di dos ronda cu ta tuma luga na
Hulanda.E departamento di biologia di
Colegio Arubano ta bay presenta un plan
pa prepara e alumnonan miho pa por yega
mas leu den e competencia pa e proximo
añanan.
Pa e examenklas di VWO 6, participacion
na e olympiade ta bay wordo incorpora den
e programa di les y examen.
E olympiade ta un bon preparacion pa e
alumnonan ya cu net prome cu e olympiade
nan a trata tur e material di biologia. E
studiante por haya un diagnostico con bon
e ta prepara pa e examen final.
Na Colegio Arubano nos tin varios alumno
cu hopi talento. Competenciannan asina
ta un bon oportunidad pa nan demostra
locual nan por”, asina Zaida Everon, kende
ta Relacionista Publico y alabes docente di
biologia di Colegio Arubano ta splica.

Pa finalisa, participacion na olympiade no
ta algo desconoci na Colegio Arubano.
Ya pa varios aña e scol ta participa na
Wiskunde A-lympiade.
Den e siman venidero un delagacion
di Colegio Arubano, consistiendo di e
alumnonan di VWO 6, Le-Ann Tromp,
Jilliann Oduber, Laura Croes y Emil
Celaire, acompaña pa nan docente sr. R.
Quandt ta saliendo pa Garderen Hulanda
pa participa na e gran final di Wiskunde
A-lympiade.
Na mei proximo e cuater alumnonan di
VWO 5, Claudia Sweerts, Dylan Schults,
Liesje Proveyer y Julianna Lopez ta
biahando pa participa na e “Singapore
International Math Challenge”.

Colegio Arubano ta felicita tur ganado y
alabes ta desea su alumnonan hopi exito
cu nan competencia den exterior.