Page 16 - MIN VOS

28 AWEMainta Dialuna, 10 Juli 2017

Brazil Taekwondo su atletanan

a saca potret na Chuncheon

p’e calender di 2018

DEN fin di siman e team di Train Hard Fight Smart
cu ta na Korea bou guia di Henk Meijer a bishita e
Tempel Cheongpyeongsa na Chuncheon Korea pa
saca potret p’e calender di aña 2018 di Brazil Tae-
kwondo Stichting.

Henk Meijer a scoge e tempel aki dor cu e ta situa
na Chuncheon, mirando cu e campeonato a caba
nan a dicidi di bishita e tempel aki pa saca potret na
diferente area rond di dje.
Pa yega n’e tempel nan mester a core mas o menos
15 minuut den auto for di e guest house pa despues
cana un otro 15 minuut pa yega n’e tempel mes.

Ora cu nan tabata subi e seronan a cuminsa mira tur
e lugarnan y a dicidi e ora ey na unda tur nan lo saca
potret y ora cu nan a yega n’e tempel mes tabatin un
ceremonia andando di e Monksnan moderno cu nan
kedsnan di marca bisti.
E tempo tabata na awa constantemente y a haci
dificil pa logra saca potret. Tabatin algun potret cu e
atletanan mester a para 2 minuut keto keto p’asina
por a logra saca e potret corecto.

Awor cu esaki ta tras di lomba nos lo sigui saca potret
na Seoul, Henk Meijer ta bay scoge e lugarnan cu nan
lo bay bishita pa saca mas potret.
E idea ta pa saca mas hopi potret cu ta posibel pa
despues por tin hopi variacion. Ora cu tur potret ta
cla lo acerca Grand Master y e otro Masternan na
Aruba pa nan scoge e potretnan, esaki lo wordo haci
durante reunion di Brazil Taekwondo Stichting y tur
e potretnan cu mas hopi punto lo wordo poni den e
calender di aña 2018 di Brazil Taekwondo Stichting.