Page 41 - MIN VOS

Logros ta derota Blackhawks y ta mantene nan invicto

Sunday, 09 July 2017 12:28
1

Comparti

Campeonato HEINEKEN di Aruba Softball Bond dedica na dos baluarte Sra. Bertha Wolf Croes y Eugenio “Tan”
Helder a continua riba veld di Dragon Hitters na Baracadera.

Den categoría di A-Klas e equipo di Logros ta derota Blackhawks y ta mantene nan mes invicto solido na promer
lugar. Juan Chirinos ta cubri henter e ruta y ta pone e victoria riba su nomber. Clay Shipley tambe ta bay completo
pero mester conforma su mes cu e derota. Logros 8 careda, 11 hit, 3 error. Blackhawks 2 careda, 6 hit, 1 error. Mihor
bateadornan pa Logros tabata Jose Gomez 3-3, Jose Figuero 1-1, Alvaro Rodriguez 2-1 y Eldrick Maduro di 3-2. Pa
Blackhawks a destaca na plato Michel Ling 3-2 y Rodymar Geerman di 2-1. Weganan lo continua dialuna awor na
veld di Dragon Hitters unda pa 715pm Celebrities lo topa Blackhawks den di tercer buelta sigui pa 9pm Logros vs
Predators. Diamars 11 Juli na Dragon Hitters Spuiters vs Piratas den un doublé header y diaranson 12 di Juli Pizza
Hut Monsters vs Royal Power. Diahuebs Blackhawks vs predators y Celebrities vs Black Yoker y diabierna doublé
header Spuiters vs Balashi y Pizza Hut Monsters vs Macuarima Indians. Un cantidad di wega di softball henter
siman. Waak pa bo tey. Campeonato 2017 a la carga!!!