Page 4 - AWE1808

Diahuebs 18 di August 2022

LOCAL
T u ris ta Co lo mbian o a s ak den o tr o y
Turista Colombiano a sak den otro y

ta fa y ece ariba beac h n a Ar as hi
ta fayece ariba beach na Arashi

iaranson atardi pa mas o menos 5:20 informacion a
Ddrenta di un caso lamentabel di hogamento na Arashi.
Unidadnan di Motor Unit cerca mesora a bay pa dicho luga
y mesora a drenta den accion, door di cuminsa duna CPR
ariba e persona.

Mientrastanto ya ambulance tawata algun minuut leu di e
sitio. Na yegada di dos unidad di Ambulance Paramediconan
mesora a take over, pero lamentabelmente mucho mas no
por a haci.

Na e sitio nos a compronde cu cabayero aki tawata canando
ariba beach y a sak den otro. Pues lo no tawata trata di
un caso di hogamento. Aki ta sigui informacion oficial di
Vocero Suplente di Cuerpo Policial Sra.Rasmijn:

“Un turista masculino canando banda di lama a sak den
otro y hendenan eybanda a pidi ambulance cu urgencia”.

Unidad di motor a yega prome na e sitio y a cuminsa duna
CPR te ora ambulance a yega. Lamentablemente nan
tampoco por a haci nada mas. Pa 17:45 Dr Texier ta constata
morto di turista homber di nacionalidad Colombiano J.A.P.
(69) E turista a muri di un ataca di curason y no hoga manera
a wordo pensa na prome instante.

Ministro encarga cu Turismo y Salubridad Publico ta anuncia
cu entrante 19 augustus 2022 durante 14 dia lo tin
oportunidad pa un y tur tuma conocemento na Departamento
di Legislacion y Asunto Huridico,
Schotlandstraat 53, di un peticion cu a ser haci pa obtene
un koffiehuis- y un restaurantvergunning B pa e parcela
L.G. Smith Boulevard z/n, Kiosk #4, Linear Park.

E permisonan aki ta concerni e.o. benta di bebida sterki
por detal y cuminda pa wordo consumi den e parcela.
Den e periodo aki tur hende por expresa por escrito nan
desacuerdo contra dunamento di e permisonan menciona,
dirigi na e Ministro encarga cu Turismo y Salubridad Publico
via intermediacion di Director di Departamento di Legislacion
y Asunto Huridico, Schotlandstraat 53.

4