Page 4 - ARUBA BANK

Yee Mei “Beba” Cheong Ta Bari Liga Cu MVP

Champion Batter Y Champion Pitcher

 Deporte
- 10/10/2019

Campeonato fast pitch femenino U17 di Aruba Softball Bond a termina recientemente.
Aruba Softball Bond cu e vision pa organisa campeonato pa nos hobennan cumpliendo cu
exigencianan Internacional entre otro di WBSC a organisa e aña aki un campeonato di
fast pitch femenino U17 cu miras pa den aña 2020 por organisa tambe U15. Den cuadro
di e campeonato U17 por mira atras riba un campeonato exitoso unda ekipo Lady Blue
Marlins di Noord, Rockets di Sta Cruz y Eagles di San Nicolas a participa hungando tres
round contra otro. Den e liga aki Eagles di San Nicolas a titula campeon invicto y mesun
dia ASB a bay over pa entrega premionan mesora despues di wega. Tanto premio como
ekipo pero tambe premionan individual. Yee Mei Cheong mihor cariñosamente conoci
como “Beba” Cheong tabata un di e atracion principal di henter e campeonato. Un
hobencita di apenas 16 aña cu multiple talento a resalta y destaca den su performance
total. Beba Cheong ta un “Rising Star” como pitcher y como atleta a termina campeonato
cu un record di 4-0. Beba a lansa 17 inning, enfrentando 68 bateador, permitiendo 5 hit,
propinando 39 strike outs, regalando 8 base por bola permitiendo 2 careda sushi cu un
ERA di 0.00 ta bay cu e titulo di Champion Pitcher. Outstanding performance. Den
Playoff Beba ta gana dos wega adicional pa haci su ekipo campeon. Beba Cheong como
bateador a reclama e premio di Champion batter cu averahe di 727 cu 18 plate
appearance, a bay di 11-8 cu 6 careda impuha, 15 careda anota, 6 base por bola negocia y
11 base roba cu un porcentahe di subi base di 0.833. Durante e serie final Beba Cheong ta
conquista e titulo di MVP y asina a bari e liga cu mayoria premio individual banda di e